Asesu Mewnol

Gwybodaeth allweddol

Asesu Mewnol: Canllaw i ganolfannau 

Canllaw Cam wrth Gam i'r System Mewnbynnu Marciau Asesiad Mewnol

Mae ein dogfen Asesu Mewnol: Canllaw i Ganolfannau yn cynnwys yr holl wybodaeth y bydd canolfannau ei hangen mewn perthynas ag asesu mewnol, gan gynnwys:

Mae canolfannau yn mewnbynnu a chyflwyno marciau/canlyniadau asesu mewnol drwy gyfleuster ar safle Porth o'r enw IAMIS (System Mewnbynnu Marciau Asesiad Mewnol). Mae canllawiau ar ddefnyddio'r system hon i'w cael yn ein Canllaw Cam wrth Gam i'r System Mewnbynnu Marciau Asesiad Mewnol. 

Terfynau amser

Mae'r rhestr lawn o'r terfynau amser yn ein dogfen Asesu Mewnol: Canllaw i Ganolfannau, yn ogystal â'r ddogfennaeth berthnasol sydd wedi'i chyhoeddi ar ein tudalen Dyddiadau Allweddol ac Amserlenni. 

Mewnbynnu a Chyflwyno Marciau/Canlyniadau Asesiadau Mewnol

Mae canllawiau a chyfarwyddiadau manwl ar fewnbynnu, cyflwyno a diwygio marciau/canlyniadau asesiad mewnol i'w cael yn ein dogfen Asesu Mewnol: Canllaw i Ganolfannau a'n Canllaw Cam wrth Gam i'r System Mewnbynnu Marciau Asesiad Mewnol.

Mae'n ofyniad gan y CGC i ganolfannau sicrhau eu bod wedi dilyn eu gweithdrefn apeliadau mewnol cyn cyflwyno marciau. Rhaid rhoi gwybod i ymgeiswyr am eu marciau a asesir yn y ganolfan er mwyn iddyn nhw allu gwneud cais am adolygiad o farcio'r ganolfan cyn cyflwyno'r marciau i CBAC. Mae gwybodaeth bellach ar gael ar wefan y CGC.

Mae canolfannau yn mewnbynnu ac yn cyflwyno marciau/canlyniadau asesiadau mewnol drwy IAMIS. Mae gan y Swyddog Arholiadau a defnyddwyr sy'n weinyddwyr fynediad awtomatig i IAMIS. Gall defnyddwyr eraill wneud cais am fynediad gan Swyddog Arholiadau a/neu ddefnyddwyr cyfrif Gweinyddu eu canolfan.

Fel arall, gellir cyflwyno marciau/canlyniadau asesiadau mewnol drwy EDI. Gall ffeiliau EDI gymryd hyd at 72 awr i'w prosesu. Ar ôl hynny, bydd y marciau/canlyniadau a gyflwynwyd yn cael eu llenwi'n awtomatig ar IAMIS. 

Rhaid i ganolfannau gael mynediad at IAMIS i gyflwyno'r marciau/canlyniadau i CBAC. Mae rhagor o wybodaeth am gyflwyno EDI ar gael gan ein Desg Gymorth TG. Gellir cysylltu â'r Ddesg Gymorth drwy ithelpdesk@wjec.co.uk ac ar 029 2026 5169. 

Mae arholiadau ymarferol sy'n cael eu marcio'n allanol a/neu eu gosod yn allanol ac sy'n cael eu cymryd ar amserau gwahanol ar draws canolfannau yn fathau o Asesiad Di-arholiad (NEA). 

Cyhoeddir cyfnodau a therfynau amser arholiadau ymarferol ar ein tudalennau Dyddiadau Allweddol ac Amserlenni. Mae ein timau pynciau yn rhoi arweiniad penodol ar asesiadau ymarferol yn ystod y flwyddyn. 

Polisi Consortia

Diffiniad a Pholisi

Consortiwm yw trefniant rhwng dwy ganolfan neu fwy i gynnig cymwysterau. Bydd ymgeiswyr o ganolfannau cofrestru gwahanol yn cael eu haddysgu a'u hasesu fel un grŵp. Dim ond ar gyfer unedau/cydrannau Asesu Di-arholiad a asesir yn fewnol ac unedau/cydrannau penodol a asesir yn allanol y mae trefniadau consortiwm ar gael.

Os yw'ch canolfan yn ymwneud ag unrhyw drefniadau o'r fath, gwnewch yn siŵr eich bod wedi darllen ein Polisi Consortia. 

Trefniadau Consortiwm o Ganolfannau

Pan fydd canolfannau yn ymwneud â threfniad consortiwm ar gyfer unedau/cydrannau sy'n cael eu hasesu'n fewnol, rhaid cwblhau'r ffurflen Trefniadau Consortiwm Canolfannau ar Porth Gweinyddu Canolfannau CGC (i'w chael drwy Porth). 

Bydd hyn yn galluogi trin yr ymgeiswyr sy'n rhan o'r trefniant fel un grŵp ar gyfer cymedroli gwaith a asesir yn fewnol. Rhaid i ganolfannau roi gwybod i ni os oes unrhyw newidiadau sylweddol i'r data ar y ffurflen hon ar ôl iddi gael ei chyflwyno. 

Cydlynydd Consortiwm o Ganolfannau

Rhaid i'r canolfannau sy'n ymwneud â threfniadau consortiwm enwebu cydlynydd consortiwm a fydd yn cysylltu â’r corff dyfarnu perthnasol ar ran yr holl ganolfannau yn y consortiwm. Os oes cydlynydd gwahanol ar gyfer cymwysterau gwahanol, rhaid i ffurflen Trefniadau Consortiwm Canolfannau gael ei llenwi ar gyfer pob cymhwyster. 

Trefniadau Consortiwm Rhannol

Mewn amgylchiadau lle mae rhai o'r ymgeiswyr a gofrestrwyd gan ganolfan ar gyfer cymhwyster yn cael eu haddysgu yn y ganolfan honno, ond mae un neu fwy o'u hymgeiswyr eraill ar gyfer y cymhwyster hwnnw yn cael eu haddysgu a'u hasesu mewn canolfan wahanol, rhaid cwblhau'r ffurflen consortiwm rhannol a'i dychwelyd at Consortia@wjec.co.uk 

Ymholiadau

Os oes gennych unrhyw gwestiynau am y trefniadau Consortia, cysylltwch â Ymholiadaupapurauaddasedig@cbac.co.uk