Gwneud i Gymru: Ton 3

Eich cefnogi gyda'n Cymwysterau Ton 3

Rydym wrthi'n datblygu pecyn cynhwysfawr i gefnogi athrawon a dysgwyr gyda'n hamrywiaeth newydd o gymwysterau, i'w haddysgu am y tro cyntaf ym mis Medi 2027.

Bydd hyn yn cynnwys cyfleoedd dysgu proffesiynol rhad ac am ddim wedi'u harwain gan arbenigwyr, a chyfres ddiguro o adnoddau digidol o ansawdd uchel. 


Cyfleoedd Dysgu Proffesiynol  

Bydd CBAC yn cynnig amrywiaeth o gyfleoedd dysgu proffesiynol rhad ac am ddim ar gyfer ein cymwysterau TAAU, Sylfaen, y Gyfres Sgiliau a Phroject Personol. 

Mae'r cyfleoedd hyn wedi'u datblygu mewn ymateb i adborth gan ganolfannau ledled Cymru. Byddant ar gael o fis Gorffennaf 2026 ac yn cynnwys y canlynol:  

 

Deunyddiau Dysgu Proffesiynol Ar-alw 

  • Wedi'u recordio ymlaen llaw gan arbenigwyr pwnc  

  • Cwbl ddwyieithog  

  • Hygyrch trwy Porth CBAC 
     

Cyfarfodydd Fforwm Pwnc fesul Tymor 

  • Digwyddiadau byw ar-lein 

  •  Er mwyn gofyn cwestiynau i arbenigwyr 

  • Cyfleoedd i rwydweithio â chydweithwyr a chanolfannau  

 

Ymunwch â'n rhestr bostio i gael y newyddion diweddaraf ar ddysgu proffesiynol
 


Adnoddau Digidol 


Mae ein Tîm Adnoddau Digidol wrthi'n datblygu amrywiaeth o adnoddau ar-lein sy'n rhad ac am ddim ac yn ddwyieithog i gefnogi ein cymwysterau newydd. 

Bydd yr adnoddau newydd hyn yn cael eu cyhoeddi fesul cam gan ddechrau o ddiwedd yr hydref 2026, a bydd y gyfres lawn ar gael erbyn haf 2027.

Bydd modd golygu'r holl adnoddau addysgu, a fydd yn galluogi defnyddwyr i'w haddasu i weddu orau i amrywiaeth eang o ddulliau addysgu. Byddant yn cynnwys: 

 

TAAU 

  • Unedau Dysgu Cyfunol 

  • Trefnwyr Gwybodaeth 

  • Cynlluniau gwaith a awgrymir  

  

Cymwysterau Sylfaen Cyffredinol a Chymwysterau Cysylltiedig â Gwaith 

  • Gweithgareddau o flaen dosbarth 

  • Nodiadau i Athrawon  

  • Taflenni gwaith 

  • Cynlluniau gwaith a awgrymir 

  

Project Personol a'r Gyfres Sgiliau 

  • Trefnwyr sgiliau  

  • Cyflwyniadau PowerPoint 

  • Dogfennau canllawiau 

  

Ymunwch â'n rhestr bostio i gael y newyddion diweddaraf am adnoddau digidol

“Rydym yn falch o gynnig pecyn pwrpasol a chynhwysfawr o gyfleoedd dysgu proffesiynol i athrawon ledled Cymru, a fydd yn eu helpu i gyflwyno ein cymwysterau newydd yn hyderus. 

Yn seiliedig ar adborth gan ganolfannau, rydym yn cyflwyno deunyddiau addasadwy a fydd ar gael ar alw, y bydd ymarferwyr yn gallu cael mynediad atynt pan fydd yn gyfleus iddynt. 

Bydd pob adnodd yn cael ei gyflwyno gan arbenigwr pwnc ac yn cael ei gefnogi gan amrywiaeth eang o ddeunyddiau ategol. 

Yn ogystal, bydd ein timau pwnc yn parhau i roi cyngor ac arweiniad ymarferol drwy ein rhwydweithiau Fforymau Pwnc.”  

"Rydym yn falch o'r datblygiad sydd ar y gweill i ddarparu cefnogaeth lawn i athrawon a dysgwyr sy'n cyflwyno ein cymwysterau Ton 3. 

Rydym wedi gweithio'n agos gydag athrawon a dysgwyr drwy gydol y broses, gan deilwra pob pecyn i anghenion penodol pob cymhwyster.

Byddwn yn dechrau cyhoeddi’r adnoddau ym mis Hydref, gyda chynnwys pellach yn cael eu hychwanegu bob wythnos, fel bod gan athrawon yr offer sydd eu hangen arnynt. 

Rydym yn hyderus y bydd ehangder, dyfnder ac ansawdd ein deunyddiau addysgu rhad ac am ddim yn ddiguro." 

Nia Jones 
Rheolwr Dysgu Proffesiynol 

 Melanie Blount 
Cyfarwyddwr Cynorthwyol, Adnoddau Addysgol