Gwneud i Gymru: Ton 3

Llywio cymwysterau gyda phartneriaethau yn y diwydiant

Rydyn ni wedi cydweithio'n agos â phartneriaid arloesol yn y diwydiant i ddatblygu cymwysterau sy'n paratoi pobl ifanc ar gyfer cyfleoedd yn y dyfodol.

 

Mae eu harbenigedd yn y byd go iawn wedi helpu i lywio ein cymwysterau galwedigaethol newydd, gan sicrhau eu bod yn adlewyrchu'r sgiliau, gwybodaeth a llwybrau gyrfa a fydd yn sail i ddyfodol Cymru. Gyda'n gilydd, rydyn ni wedi creu cymwysterau sy'n ymateb i anghenion cyflogwyr gan hefyd ysbrydoli a grymuso dysgwyr i lwyddo mewn byd sy'n newid.

 

Isod enwir dim ond rhai o’r partneriaid arbenigol sydd wedi gweithio gyda ni i greu ein cyfres o gymwysterau Ton 3, rhan o’r cynnig Cymwysterau Cenedlaethol 14 i 16.
  

  
Ein partneriaid:

 

"Rydyn ni wrth ein boddau bod y Cwricwlwm i Gymru'n pwysleisio'n gryf ar ofalwyr a phrofiadau sy'n ymwneud â gwaith ar gyfer pob dysgwr 3-16 oed. Mae'r cymwysterau Sgiliau Gwaith, yn rhan o'r Gyfres Sgiliau ehangach, yn adnodd ychwanegol gwerthfawr wrth gefnogi disgyblion 14-16 oed i ddatblygu'r wybodaeth, y sgiliau a'r hyder mae eu hangen arnynt ar gyfer eu gyrfaoedd a'u bywyd gwaith yn y dyfodol.

 

Roedden ni'n falch o fod yn rhan o'r cychwyn cyntaf, gan gyfrannu syniadau a chynnwys posibl ar gyfer sawl uned Sgiliau Gwaith, ac rydyn ni'n hynod falch bod y rhain wedi'u hymgorffori yn y cymwysterau.
Bydd y cymwysterau hyn yn cefnogi taith dysgwyr o'r byd addysg i'r byd gwaith drwy ddarparu mewnwelediad awthentig, bywyd go iawn i yrfaoedd a sgiliau cyflogadwyedd. Maen nhw'n cynnig profiadau dysgu ystyrlon sy'n helpu pobl ifanc i ddatblygu sgiliau cyflogadwyedd ymarferol, ymwybyddiaeth o yrfaoedd a dealltwriaeth gryfach o gyfleoedd cyflogaeth yn y dyfodol."
 
Sacha Davies | Rheolydd Datblygiad Gweithredol | Gyrfa Cymru 
  
   
Dysgwch fwy am ein cymwysterau Ton 3