Cymwysterau sy’n cael eu datblygu
  • - Sgiliau Hanfodol Cymru

Sgiliau Hanfodol Cymru

Diwygio ein cymwysterau Sgiliau Hanfodol Cymru

Mae Cymwysterau Cymru'n ddiweddar wedi ymgynghori ynghylch eu cynigion i ddiwygio'r gyfres o gymwysterau Sgiliau Hanfodol Cymru a byddan nhw'n cyhoeddi eu canfyddiadau a'u penderfyniadau yn ystod tymor yr haf 2026. Gallwch ddarllen mwy am eu cynigion yma. Ynghyd â'r adroddiadau hyn bydd Cymwysterau Cymru hefyd yn cyhoeddi'r meini prawf cymeradwyo terfynol y bydd cyrff dyfarnu'n eu defnyddio i ddatblygu'r cymwysterau. 

 

Mewn ymateb i hynny, byddwn yn dechrau gweithio i ailddatblygu ein cymwysterau Sgiliau Hanfodol Cymru'n fuan i sicrhau eu bod yn alinio â'r meini prawf cymeradwyo newydd. Felly dydyn ni'n gwahodd mynegiannau o ddiddordeb gan randdeiliaid fyddai'n hoffi cymryd rhan yn y gwaith ailddatblygu hwn a'i gefnogi. 

 

Ymunwch â'n Grwpiau Cynghori  

Byddwn yn sefydlu Grwpiau Cynghori ar Ddatblygu Cymwysterau ar gyfer pob un o'r tri maes sgiliau – Llythrennedd, Rhifedd a Digidol. 

 

Bydd aelodau o'r grwpiau cynghori yn chwarae rhan ganolog wrth gynghori, rhoi gwybod a herio'n adeiladol y gwaith o ddatblygu'r cymwysterau newydd.  

 

Bydd gofyn i aelodau 

  • rannu mewnwelediad o'r sector, cyflwyno, a gan ddysgwyr 

  • ymddwyn fel ffrind beirniadol i gynigion cynnar ar gyfer y cymhwyster 

  • cynghori ar gynnwys a dulliau asesu cymhwyster 

  • nodi cyfleoedd a heriau posibl o ran cyflwyno 

Rydyn ni'n arbennig o awyddus i glywed gan 

  • darparwyr dysgu addysg bellach a seiliedig ar waith 

  • ymarferwyr sy'n cyflwyno'r cymwysterau Sgiliau Hanfodol Cymru cyfredol 

  • cyflogwyr a chyrff cynrychioli cyflogwyr 

  • cyrff eraill sydd â diddordeb yn y cymwysterau 

 

Rydyn ni'n rhagweld y cynhelir ein Grwpiau Cynghori ar Ddatblygu Cymwysterau cyntaf ar ddiwedd mis Gorffennaf (dyddiad i'w gadarnhau). Bydd y cyfarfodydd hyn yn cynnig y cyfle i lywio cynnwys newydd a dulliau asesu arloesol ar gyfer y cymwysterau newydd. 

 

Mynegwch eich diddordeb yn ymuno â'n Grwpiau Cynghori ar Ddatblygu Cymwysterau drwy lenwi'r ffurflen hon Ymunwch â'n Grwpiau Cynghori ar Ddatblygu SHC! – Llenwch y ffurflen. Dywedwch wrthym (mewn llai na 300 o eiriau) ym ma faes/feysydd sgiliau mae gennych chi ddiddordeb a rhywfaint am eich sgiliau a'ch profiad a pham mae gennych chi ddiddordeb yn y cyfle hwn.

Dyddiad cau ar gyfer mynegi eich diddordeb: Dydd Llun 29 Mehefin 2026. 

 

Gall y lleoedd mewn grwpiau cynghori fod yn gyfyngedig, a byddwn ni'n anelu i sicrhau ystod cytbwys o safbwyntiau ar draws sectorau a chyd-destunau dysgu. 

 

Cyfleoedd awduro ac adolygu cymwysterau 

Rydyn ni'n recriwtio awduron ac adolygwyr cymwysterau i gefnogi datblygiad y cymwysterau diwygiedig. 

Yn y rôl hon, gofynnir i chi wneud rhai neu bob un o’r canlynol: 

  • cynhyrchu cynnwys sy'n bodloni gofynion cynnwys y pwnc yn ôl cyhoeddiad Cymwysterau Cymru 

  • cynhyrchu asesiadau enghreifftiol (papurau cwestiynau/tasgau asesiadau di-arholiad a chynlluniau marcio) sy'n bodloni gofynion manyleb ac asesiadau'r cymhwyster 

  • adolygu cynnwys/asesiadau enghreifftiol i sicrhau eu bod yn bodloni gofynion manyleb ac asesiadau'r cymhwyster 

  • sicrhau bod cynnwys unedau ac asesiadau yn bodloni'r holl gyfarwyddiadau comisiynu, yn unol â’r hyn a gytunwyd â'r swyddog datblygu cymwysterau 

  • darparu cynnwys asesu ychwanegol yn ôl y gofyn, gan gynnwys ffynonellau dogfennau/delweddau a manylion caniatâd hawlfraint. 

  • mynychu diwrnodau panel adolygu asesiadau a sesiynau hyfforddi, yn ôl y gofyn (a fydd yn cael eu cynnal ar-lein ar Microsoft Teams). 

Rydym yn chwilio am unigolion â 

  • profiad addysgu a/neu gymwysterau proffesiynol sy'n berthnasol i'r maes sgiliau penodol 

  • sgiliau cyfathrebu ysgrifenedig da 

  • y gallu i ddefnyddio TGCh yn hyderus 

  • y gallu i ddysgu sgiliau newydd yn gyflym a'u cymhwyso 

  • y gallu i weithio i derfynau amser tynn 

 

Am ragor o wybodaeth, cysylltwch â datblygucymwysterau@cbac.co.uk. Y dyddiad cau ar gyfer cyflwyno ceisiadau yw Dydd Llun 29 Mehefin 2026. 

  

Sut i wneud cais 

Os ydych chi'n dymuno gwneud cais am y rôl, ac nad ydych yn gweithio i CBAC ar hyn o bryd, ewch i https://amp.wjec.co.uk/ a chlicio ar 'Gwneud Cais' i lenwi'r ffurflen gais.  

 

Os ydych chi'n gweithio i CBAC ar hyn o bryd, mewngofnodwch i'ch cyfrif Penodedigion ar Porth a chliciwch ar yr eicon 'Fy Nghais' ar yr hafan. Gwnewch yn siŵr eich bod yn ychwanegu rôl Datblygwr Manylebau ar gyfer Sgiliau Hanfodol Cymru ar y tab 'maes pwnc', a llenwch holl feysydd eraill y cais. Mae'n bwysig eich bod yn diweddaru eich Datganiad Cefnogi ar y cais.  

 

Os oes angen unrhyw gymorth pellach wrth gwblhau'r cais, cysylltwch â Rob Reynolds (rob.reynolds@cbac.co.uk) neu Rabina Chowdhury (rabina.chowdhury@cbac.co.uk).   

 

Beth sy'n digwydd nesaf 

Dros y misoedd nesaf, byddwn yn gwneud y canlynol: 

  • cadarnhau'r cwmpas a'r amserlenni terfynol ar gyfer datblygu cymwysterau 

  • sefydlu grwpiau cynghori a chytuno ar ffyrdd o weithio 

  • darparu diweddariadau pellach wrth i'r diwygio ddatblygu 

 

Bydd y dudalen hon yn cael ei diweddaru'n rheolaidd wrth i wybodaeth newydd ddod ar gael.