Hafan
Amdanom Ni

chevron_right

Datblygu cymwysterau

Amdanom Ni

{"grandParentLink":null,"parentLink":{"linkText":"Amdanom Ni","url":"/home/amdanom-ni/"},"currentLink":{"linkText":"Datblygu cymwysterau","url":"/home/amdanom-ni/datblygu-cymwysterau/"},"childrenLinks":[{"linkText":"Adolygiad Blynyddol","url":"/home/amdanom-ni/adolygiad-blynyddol/"},{"linkText":"Yma i chi","url":"/home/amdanom-ni/yma-i-chi/"},{"linkText":"Datblygu cymwysterau","url":"/home/amdanom-ni/datblygu-cymwysterau/"},{"linkText":"Ein cynhyrchion a'n gwasanaethau","url":"/home/amdanom-ni/ein-cynhyrchion-a-n-gwasanaethau/"},{"linkText":"Cynllun Bwrsari Gareth Pierce","url":"/home/amdanom-ni/cynllun-bwrsari-gareth-pierce/"},{"linkText":"Tîm Arwain Gweithredol","url":"/home/amdanom-ni/tim-arwain-gweithredol/"},{"linkText":"Bwrdd CBAC","url":"/home/amdanom-ni/bwrdd-cbac/"},{"linkText":"Polisïau","url":"/home/amdanom-ni/polisiau/"},{"linkText":"Cysylltiadau Defnyddiol","url":"/home/amdanom-ni/cysylltiadau-defnyddiol/"},{"linkText":"Gweithio Gyda Ni","url":"/home/amdanom-ni/gweithio-gyda-ni/"}],"lowerChildrenLinks":[]}

Datblygu cymwysterau

Sut mae cymwysterau’n cael eu datblygu yng Nghymru?

Mae datblygu cymwysterau fel TGAU, Safon Uwch, cymwysterau galwedigaethol a Bagloriaeth Sgiliau Uwch Cymru yn broses eang sy'n cynnwys llawer o randdeiliaid pynciau. Mae hyn er mwyn sicrhau eu bod yn rhoi cyfle i ddysgwyr feithrin y wybodaeth a'r sgiliau i lwyddo.

Mae gan Llywodraeth Cymru, Cymwysterau Cymru (CC) a CBAC rolau a chyfrifoldebau penodol o fewn y broses o ddatblygu cymwysterau yng Nghymru.

CBAC a datblygu cymwysterau

Rheoli datblygu cymwysterau

Mae llawer o bobl yn ymwneud â'r gwaith o ddatblygu cymwysterau newydd yn CBAC, gan gynnwys y Tîm Arwain Gweithredol (TAG) a'r Grŵp Rheoli Datblygu Cymwysterau (GRhDC).

Nid yw datblygu cymhwyster yn rhywbeth y gellir ei wneud ar wahân. Mae rhan y TAG a'r GRhDC yn sicrhau bod gennym ddull cyson ar draws cymwysterau, lle y bo'n briodol, ac y gellir datblygu unrhyw gymhwyster newydd yn effeithlon, ac y gellir ei asesu'n ddibynadwy ac yn gywir.

Pan fydd cymhwyster newydd yn cael ei ddatblygu, y staff sy'n ymwneud yn uniongyrchol â'r gwaith yw:

cyfarwyddwr cynorthwyol
swyddog datblygu cymwysterau
swyddog pwnc
tîm o arbenigwyr pwnc (athrawon cyfredol fel arfer) a benodir i lunio deunyddiau asesu enghreifftiol ac adnoddau i athrawon a myfyrwyr yn seiliedig ar y fanyleb.

Y broses ddatblygu

Mae'n rhaid i'r cymwysterau rydym yn eu datblygu fodloni'r holl feini prawf (rheolau) rheoleiddio perthnasol a gyhoeddir gan CC. Mae'n rhaid i ni sicrhau ein bod yn deall pob agwedd ar y meini prawf rheoleiddio sy'n berthnasol i'r cymwysterau hyn.

Cyflwynir ein deunyddiau drafft, gan gynnwys y fanyleb a'r deunyddiau asesu enghreifftiol, i'w hadolygu gan CC. Rydym yn gwneud diwygiadau yn ymateb i adborth tan y bydd CC yn fodlon cymeradwyo'r cymhwyster.

Rydym yn cydweithio’n agos â CC wrth iddynt ddatblygu'r meini prawf perthnasol gan fod y rhain yn diffinio, nid yn unig natur yr asesiad (e.e. p'un a yw'n cynnwys gwaith cwrs neu'n cael ei asesu drwy arholiadau'n unig), ond hefyd y testunau allweddol y mae'n rhaid i gynnwys y pwnc ymdrin â nhw.

Cynhelir gwiriadau sicrhau ansawdd trwyadl drwy gydol y broses o ddatblygu cymwysterau. Rydym hefyd yn ymgysylltu ag arbenigwyr pwnc gan gynnwys athrawon cymwysterau CBAC presennol, i sicrhau bod ein cymwysterau newydd yn diwallu anghenion myfyrwyr yng Nghymru.

Datblygu cymhwyster newydd: y pum cam


Datblygu cynnig Mae CBAC yn cyflwyno cynnig i ddatblygu cymhwyster, a all fod yn ymateb i raglen ddiwygio a gytunwyd neu i alw’r farchnad. Mae'n amlinellu'r angen i ddatblygu'r cymhwyster a'n cynlluniau i ddatblygu deunyddiau asesu enghreifftiol, canllawiau addysgu, adnoddau a digwyddiadau dysgu proffesiynol.	Datblygu sail resymegol, manyleb ddrafft a Deunyddiau Asesu Enghreifftiol Mae CBAC ac arbenigwyr pwnc, gan gynnwys athrawon, yn llunio manyleb ddrafft a deunyddiau asesu enghreifftiol yn mynd i'r afael â'r meini prawf rheoleiddio gan CC. Mae CBAC yn llunio sail resymegol cymhwyster yn esbonio penderfyniadau a wnaed a sut bydd y cymhwyster yn cael ei strwythuro a'i asesu.	Cyflwyno ac adolygu sail resymegol a drafftiau cyntaf Mae staff CC a'u harbenigwyr pwnc eu hunain yn derbyn ac yn adolygu ein sail resymegol ynghyd â'r drafft cyntaf o’r deunyddiau.	Adborth a drafftiau pellach Mae CBAC yn datblygu set wedi'i diweddaru o ddeunyddiau drafft sy'n ystyried yr adborth a gafwyd gan CC ar y drafft cyntaf. Gellir datblygu drafftiau pellach, os oes angen.	Cymeradwyo'r cymwysterau Pan fydd CC yn cymeradwyo'r fanyleb ddrafft a'r deunyddiau asesu enghreifftiol, byddwn yn eu cyhoeddi ar ein gwefan yn Gymraeg ac yn Saesneg.

Pa mor hir yw'r broses?

Amserlen i ddatblygu cymhwyster

Fel arfer, mae'n cymryd rhwng 18 mis a dwy flynedd, ond gall newidiadau sylweddol, fel yn yr enghraifft isod, gymryd hirach.

Gan fod y rhan fwyaf o raglenni dysgu mewn ysgolion a cholegau yn para dwy flynedd, cyfanswm yr amser rhwng trafodaethau cychwynnol â'r rheoleiddiwr a'r dyfarniadau cyntaf yw tua phedair blynedd a hanner, fel arfer:

tua 18 mis ar gyfer datblygu cymhwyster,
cyhoeddi'r cymhwyster cymeradwy flwyddyn cyn ei addysgu am y tro cyntaf a,
bron dwy flynedd o'r adeg y bydd myfyrwyr yn dechrau eu hastudiaethau i'r adeg y byddant yn sefyll eu harholiadau.

{"accordionHeading":"","accordionItems":[{"accordionTitle":"Enghraifft o sut caiff cymwysterau eu datblygu","accordionTitleSecondary":null,"accordionImage":"","accordionContent":"Mae Llywodraeth Cymru yn cyflwyno cwricwlwm newydd yng Nghymru o 2022 a fydd yn newid y ffordd mae myfyrwyr yn dysgu. O ganlyniad, bydd angen cymwysterau newydd arnom i'w haddysgu o 2025 a fydd yn cael eu hasesu o 2027, ar gyfer dysgwyr ym Mlwyddyn 11.\nMae'r llinell amser ar gyfer datblygu cymwysterau i gefnogi'r cwricwlwm newydd yng Nghymru yn mynd i fod yn hirach nag arfer oherwydd bod y cymwysterau hyn yn debygol o fod yn eithaf gwahanol i'n cymwysterau presennol. Er na fyddant yn cael eu haddysgu tan 2025, mae gwaith eisoes yn mynd rhagddo.\n<ul>\n<li><a href=\"https://www.qualificationswales.org/media/7984/cymwys-ar-gyfer-y-dyfodol-ein-penderfyniadau.pdf\">Mae CC eisoes wedi ymgynghori ar rai agweddau ar gymwysterau i gefnogi'r cwricwlwm newydd yng Nghymru.</a> Rydym yn disgwyl ymgysylltiad pellach â CC drwy gydol y flwyddyn nesaf wrth i'r meini prawf rheoleiddio gael eu datblygu.</li>\n<li>Ar ôl hynny, byddwn yn dechrau ein gweithgareddau datblygu cymwysterau ac wedyn yn llunio canllawiau addysgu, adnoddau a chyflwyniadau digwyddiadau dysgu proffesiynol.</li>\n<li>Er na fydd y cymwysterau hyn yn cael eu haddysgu tan fis Medi 2025, rydym am sicrhau eu bod yn cael eu cymeradwyo a'u cyhoeddi ymhell cyn eu haddysgu am y tro cyntaf i helpu ysgolion a cholegau i baratoi.</li>\n</ul>"},{"accordionTitle":"Beth yw rhychwant oes cymhwyster?","accordionTitleSecondary":null,"accordionImage":"","accordionContent":"Nid oes rhychwant oes penodol. Ar gyfer cymwysterau TGAU a TAG ledled y DU, mae'r rhychwant oes yn dibynnu ar amseru rhaglenni diwygio cymwysterau cyffredinol a gytunwyd rhwng y llywodraeth a'r rheoleiddiwr perthnasol. Ein cyfnod mawr diwethaf o ddiwygio TGAU a TAG yng Nghymru oedd datblygu cymwysterau i'w haddysgu am y tro cyntaf yn 2015, 2016 a 2017.\nErs hynny, datblygwyd rhywfaint ar gymwysterau ychwanegol (mewn iechyd a gofal cymdeithasol a gofal plant; amgylchedd adeiledig a thechnoleg ddigidol). Fel y nodir uchod, mae'r rhaglen diwygio cymwysterau TGAU nesaf yn gysylltiedig â'r cwricwlwm newydd yng Nghymru a bydd y cymwysterau hyn yn cael eu haddysgu am y tro cyntaf yn 2025."},{"accordionTitle":"A yw'r cymwysterau hyn yn cael eu diwygio ar draws eu cylchred oes?","accordionTitleSecondary":null,"accordionImage":"","accordionContent":"Ydyn. Rydym yn aml yn gwneud newidiadau i gymwysterau rhwng cyfnodau mawr o ddiwygio. Mae tu mewn clawr blaen ein manylebau yn rhestru unrhyw newidiadau, ac rydym yn rhoi fersiwn 2, fersiwn 3 ac ati ar y clawr blaen i ddangos eu bod wedi'u diweddaru. Gallai fod angen gwneud diwygiadau oherwydd y canlynol:\n<ul>\n<li>newidiadau i ofynion y rheoleiddwyr neu,</li>\n<li>o ganlyniad i adborth ar gymhwyster presennol neu,</li>\n<li>fel rhan o gylchred adolygu arfaethedig CBAC.</li>\n</ul>\n Gallai'r newidiadau fod mewn perthynas â'r canlynol:\n<ul>\n<li>meini prawf marcio – e.e. os ydym wedi sylweddoli y byddai'n ddefnyddiol i egluro agwedd ar feini prawf asesu ar gyfer tasg Asesiad Di-arholiad a gaiff ei marcio gan athrawon</li>\n<li>cynnwys – e.e. i helpu i sicrhau bod cynnwys y fanyleb yn aros yn berthnasol ac yn gyfoes</li>\n<li>gwaith gosod – e.e. newid testunau i helpu i sicrhau nad yw arholiadau yn y dyfodol yn rhy hawdd eu rhagweld</li>\n</ul>\nRydym bob amser yn sicrhau bod digon o amser i ysgolion a cholegau baratoi ar gyfer y newidiadau hyn cyn iddyn nhw gael eu hadlewyrchu yn yr arholiadau."}]}