TAAU gyda CBAC

Mae TAAU (Tystysgrif Alwedigaethol Addysg Uwchradd) yn fath newydd sbon o gymhwyster Lefel 1/2 sy'n canolbwyntio ar waith i bobl ifanc 14-16 oed.

Mae pob cymhwyster TAAU hynod ymarferol yn canolbwyntio ar ddiwydiant hanfodol, a'i nod yw sicrhau bod dysgwyr yn meithrin y sgiliau a'r wybodaeth sydd eu hangen i symud ymlaen i astudiaeth ôl-16, dysgu seiliedig ar waith neu gyflogaeth.

Gellir sefyll cymwysterau TAAU fel opsiwn arall neu i gyd-fynd â chymwysterau TGAU, a gellir eu hastudio ochr yn ochr â'n cymwysterau Cyfres Sgiliau newydd. 

Ein Cymwysterau TAAU

Pam dewis CBAC ar gyfer TAAU?

• Mae gan CBAC dros 75 mlynedd o brofiad yn datblygu cymwysterau yn benodol i Gymru. Rydyn ni'n gweithio gyda dros 300 o ysgolion yng Nghymru bob blwyddyn, gan ddarparu asesiadau cywir, teg a hygyrch i bron 100,000 o ddysgwyr bob blwyddyn.
• Rydyn ni wedi cydweithio ag athrawon a rhanddeiliaid o'r byd addysg i gyd-greu ein cymwysterau Gwneud-i-Gymru Ton 1 a Thon 2, a byddwn yn cymryd popeth rydyn ni wedi'i ddysgu o'r broses hon i sicrhau bod y cymwysterau Ton 3 hyn yn berffaith addas i athrawon a dysgwyr fel ei gilydd.
• Mae pob cymhwyster yn cael ei greu'n ddwyieithog o'r gwaelod i fyny, yn benodol i ddysgwyr yng Nghymru.
• Byddwn yn darparu'r pecyn cynhwysfawr o gefnogaeth y byddech chi'n ei ddisgwyl gan CBAC, gan gynnwys adnoddau digidol o ansawdd uchel a chyfleoedd dysgu proffesiynol dan arweiniad arbenigwyr.

"Mae ein cymwysterau TAAU yn dod â dysgu yn fyw. Trwy gynnig profiadau ymarferol, bywyd go iawn ac asesiadau hyblyg a chynhwysol, maent yn grymuso pobl ifanc i feithrin hyder, datblygu sgiliau a llwyddo – gan osod sylfaen cadarn ar gyfer datblygu, dysgu yn y dyfodol a bywyd gwaith." Sarah Harris | Cyfarwyddwr Cynorthwyol (Cymwysterau Galwedigaethol)

Angen gwybodaeth neu arweiniad pellach? Mae ein tîm cefnogi wrth law bob amser i’ch cefnogi chi bob cam o’r ffordd, cysylltwch â ni heddiw. Sophie Dobbs | ton3@cbac.co.uk