TGAU Astudiaethau Crefyddol - Dysgu o 2025

Bydd y cymhwyster TGAU Astudiaethau Crefyddol yn cefnogi'r Cwricwlwm i Gymru drwy wneud hyn:

• Cefnogi'r datganiadau o'r hyn sy'n bwysig, gan roi cyfle i'r dysgwyr:
  • feithrin dealltwriaeth ddyfnach o'r cysyniadau sy'n sail i'r dyniaethau, a sut i'w cymhwyso mewn cyd-destunau lleol, cenedlaethol a byd-eang.
  • deall profiadau dynol yn well
  • dysgu sut gall amrywiol fydolygon a ffactorau ddylanwadu ar eu canfyddiadau a dehongliadau nhw eu hunain a rhai pobl eraill
  • datblygu gwerthfawrogiad o sut mae cyd-destunau'n dylanwadu ar lunio naratifau a chynrychioliadau
  • datblygu dealltwriaeth o natur gymhleth, blwraliaethol ac amrywiol cymdeithasau
  • gwerthfawrogi'r rhyngweithio sydd rhwng ystod o ffactorau, gan gynnwys credoau crefyddol ac anghrefyddol a bydolygon
  • datblygu dealltwriaeth gyffredin o amrywiaeth ethnig, hunaniaethau, profiadau a safbwyntiau yn eu hardal leol, Cymru a'r byd ehangach
  • archwilio a meithrin dealltwriaeth oddefgar ac empathetig o’r amrywiol gredoau, gwerthoedd, traddodiadau ac egwyddorion sydd wrth wraidd ac yn llywio cymdeithas ddynol.
• Cefnogi'r egwyddorion cynnydd drwy annog dysgwyr i:
  • ofyn cwestiynau ymholi cynyddol soffistigedig
  • ymgysylltu â gwybodaeth a chysyniadau sylfaenol cynyddol eang a dwfn
  • gwneud penderfyniadau wedi'u hategu mewn cyd-destunau mwy cymhleth
  • dod i ddeall y byd o'u cwmpas mewn ffordd sy'n gynyddol glir ac ystyrlon
  • symud ymlaen i ymwybyddiaeth sy’n canolbwyntio’n fwy ar fywydau pobl eraill, yn eu cyd-destun cymdeithasol eu hunain ac mewn mannau eraill yn y byd
  • defnyddio tystiolaeth i lunio ac ategu ateb, a chysylltu hynny â sut mae canlyniadau ymholiad wedi'u cynrychioli a'u dehongli.

Mae'r cymhwyster TGAU Astudiaethau Crefyddol yn cael ei lunio ar sail ystyriaethau pwncbenodol Llywodraeth Cymru ar gyfer Astudiaethau Crefyddol. Bydd y cymhwyster yn:

• darparu cyfleoedd i ddeall credoau, dysgeidiaethau, arferion, argyhoeddiadau athronyddol, gwerthoedd a phrofiadau crefyddol ac anghrefyddol o safbwynt lleol, cenedlaethol a rhyngwladol
• darparu cyfleoedd i chwilio am atebion i'r cwestiynau athronyddol pennaf fel pwrpas ac ystyr bywyd
• darparu cyfleoedd i archwilio seiliau safbwyntiau crefyddol ac anghrefyddol a dylanwad argyhoeddiadau crefyddol ac anghrefyddol ar ein cymdeithas blwralistaidd ac amrywiol dros amser
• sicrhau bod gan ddysgwyr y sgiliau i archwilio materion athronyddol a moesol, myfyrio ar eu credoau a'u gwerthoedd eu hunain, ac ar gredoau a gwerthoedd pobl eraill
• darparu cyfleoedd i ddatblygu empathi, creadigrwydd, chwilfrydedd, gwydnwch, goddefgarwch ac ymdeimlad o gynefin a phrofiadau dynol yn y byd naturiol.

Bydd y cymhwyster TGAU Astudiaethau Crefyddol hefyd yn seiliedig ar y cysyniadau sylfaenol eang canlynol, y mae sawl un ohonyn nhw'n treiddio trwy sawl uned i lefelau gwahanol o ehangder a dyfnder:

• Credoau
• Cymuned
• Cynefin
• Argyhoeddiadau athronyddol
• Arferion
• Dysgeidiaethau
• Gwerthoedd
• Bydolygon
• Y cwestiynau eithaf
• Daioni a drygioni
• Moeseg
• Hawliau dynol
• Bywyd ar ôl marwolaeth
• Stiwardiaeth
• Safbwyntiau crefyddol/anghrefyddol
• Amrywiaeth
• Hunaniaeth a pherthyn
• Ffydd ar waith
• Plwraliaeth