Mae Addysg yng Nghymru yn esblygu – cymerwch y cam nesaf gyda rhywun rydych chi'n ymddiried ynddo.
Mae CBAC wedi'i gymeradwyo gan Cymwysterau Cymru i ddarparu'r cymwysterau Cenedlaethol 14-16 newydd i Gymru i'w haddysgu am y tro cyntaf o fis Medi 2027.
Fel darparwr cymwysterau mwyaf a mwyaf sefydledig Cymru, mae gan CBAC yr arbenigedd a'r profiad i'ch cefnogi drwy'r newid a chyflwyno cyfleoedd newydd a chyffrous i'ch dysgwyr.
Rydyn ni'n adeiladu ar bopeth a ddysgwyd wrth gyd-greu ein cymwysterau TGAU Gwneud-i-Gymru, gan ymgysylltu â thros 100 o ganolfannau a 60+ o gyflogwyr i ddatblygu amrywiaeth gynhwysol, eang a chytbwys o gymwysterau a fydd yn galluogi ffyrdd gwahanol o ddysgu a datblygu sgiliau.
Bydd eich dysgwyr yn elwa ar fwy o ddewis nag erioed o'r blaen - o gymwysterau Sylfaen newydd i gymwysterau TAAU ymarferol, unedau Sgiliau byr, ac astudiaeth annibynnol o'r Project Personol.
|
Ein cymwysterau newydd |
Pam dewis CBAC ar gyfer cymwysterau Cenedlaethol 14-16?
- Mae gan CBAC dros 75 mlynedd o brofiad yn datblygu cymwysterau yn benodol i Gymru. Rydyn ni'n gweithio gyda dros 300 o ysgolion yng Nghymru bob blwyddyn, gan ddarparu asesiadau cywir, teg a hygyrch i bron 100,000 o ddysgwyr bob blwyddyn.
- Rydyn ni wedi cydweithio ag athrawon a rhanddeiliaid o'r byd addysg i gyd-greu ein cymwysterau Gwneud-i-Gymru Ton 1 a Thon 2, a byddwn yn cymryd popeth rydyn ni wedi'i ddysgu o'r broses hon i sicrhau bod y cymwysterau Ton 3 hyn yn berffaith addas i athrawon a dysgwyr fel ei gilydd.
- Mae pob cymhwyster yn cael ei greu'n ddwyieithog o'r gwaelod i fyny, yn benodol i ddysgwyr yng Nghymru.
- Byddwn yn darparu'r pecyn cynhwysfawr o gefnogaeth y byddech chi'n ei ddisgwyl gan CBAC, gan gynnwys adnoddau digidol o ansawdd uchel a chyfleoedd dysgu proffesiynol dan arweiniad arbenigwyr.
Project Personol a Chyfres Sgiliau
Project Personol
Mae'r Project Personol yn esblygiad o'r Dystysgrif Her Sgiliau, ac yn cynnig cyfle i ddysgwyr gwblhau project dysgu annibynnol ar destun o'u dewis gyda'r nod o ddatblygu ac arddangos pedwar sgìl allweddol:
- cynllunio a threfnu
- creadigrwydd ac arloesi
- meddwl yn feirniadol a datrys problemau
- effeithiolrwydd personol
Mae'r Project Personol wedi'i gynllunio i'w wneud ochr yn ochr â'n cymwysterau Sylfaen, TGAU, TAAU a/neu unedau Cyfres Sgiliau newydd.
Cyfres Sgiliau
Mae'r Gyfres Sgiliau yn cynnig cyfle i ddysgwyr ddewis o blith amrywiaeth eang o 28 o gymwysterau Sgiliau Bywyd ac 19 o gymwysterau Sgiliau Gwaith.
Mae'r unedau byr hyn wedi'u cynllunio i gyd-fynd â'n cymwysterau Ton 3 eraill, a gellir eu hastudio ar draws amrywiaeth o lefelau o Lefel Mynediad i Lefel 2.
Rydym yn cydweithio â sefydliadau mawr ar draws Cymru a thu hwnt i greu amrywiaeth o unedau perthnasol a diddorol a fydd yn rhoi sgiliau a gwybodaeth hanfodol i ddysgwyr ar gyfer bywyd a'r gweithle.
Cymwysterau Sylfaen
Bydd amrywiaeth newydd o Gymwysterau Sylfaen cysylltiedig â gwaith a chyffredinol CBAC yn darparu llwybr cynhwysol a hygyrch i ddysgwyr symud ymlaen o Lefel Mynediad a Lefel 1 i TGAU neu TAAU.
Gellir eu hastudio hefyd ochr yn ochr â'n cymwysterau Cyfres Sgiliau newydd.
| Cymwysterau Sylfaen Cyffredinol | Cymwysterau Sylfaen Cysylltiedig â Gwaith |
|
|
TAAU
Mae TAAU (Tystysgrif Alwedigaethol Addysg Uwchradd) yn fath newydd sbon o gymhwyster Lefel 1/2 sy'n canolbwyntio ar waith i bobl ifanc 14-16 oed.
Mae pob cymhwyster TAAU hynod ymarferol yn canolbwyntio ar ddiwydiant hanfodol, a'i nod yw sicrhau bod dysgwyr yn meithrin y sgiliau a'r wybodaeth sydd eu hangen i symud ymlaen i astudiaeth ôl-16, dysgu seiliedig ar waith neu gyflogaeth.
Gellir sefyll cymwysterau TAAU fel opsiwn arall neu i gyd-fynd â chymwysterau TGAU, a gellir eu hastudio ochr yn ochr â'n cymwysterau Cyfres Sgiliau newydd.
- Adwerthu a gwasanaeth i gwsmeriaid
- Amgylchedd Adeiledig
- Celfyddydau Perfformio
- Chwaraeon, hamdden ac adloniant
- Cynhyrchu creadigol a'r cyfryngau, a thechnoleg
- Gwasanaethau Cyhoeddus
- Lletygarwch ac Arlwyo
- Peirianneg
- Teithio a thwristiaeth