Logo CBAC a Cynhadledd Flynyddol Colegaucymru

Ydych chi am ymuno â ni yng Nghynhadledd Flynyddol ColegauCymru 2026?

Rydym yn falch iawn o fod yn noddi ac arddangos yng Nghynhadledd Flynyddol ColegauCymru eleni.  

Pryd? 5 Tachwedd 2026  
Ble? Stadiwm Dinas Caerdydd   

Ynglŷn â'r digwyddiad   

Mae Cynhadledd Flynyddol ColegauCymru yn dod â dros 200 o addysgwyr, arweinwyr diwydiant a rhanddeiliaid allweddol o Gymru a thu hwnt ynghyd. Mae'n cynnig cyfle i ymuno â thrafodaethau panel diddorol, cymryd rhan mewn gweithdai rhyngweithiol, a chysylltu â chydweithwyr ar draws y sector.  

Bydd y digwyddiad yn canolbwyntio ar 'Gwneud yr achos dros newid: blaenoriaethau addysg bellach ar gyfer Llywodraeth newydd Cymru’.  

Gweithdai   

Bydd y Gynhadledd yn cynnal amrywiaeth o sesiynau grŵp, a bydd themâu yn cynnwys:  

  • Deallusrwydd Artiffisial – Newid system 

  • Dysgu oedolion – Beth sy'n gweithio? 

  • Dysgu ac addysgu dwyieithog – Beth nesaf?  

  • Diwygio cymwysterau 

  • Dychwelyd i Erasmus+ 

  • Llwybrau Dysgu 16-19 – Cydweithio llwyddiannus 

  • Cryfhau Llais y Dysgwr – Dysgu o'r Iseldiroedd 

  • Prentisiaethau i Gymru – Y bennod nesaf 

Dysgwch fwy ac archebwch eich tocynnau yma: https://www.colleges.wales/en/event/colegaucymru-annual-conference-2026 
 
Dewch i ddweud helo  

Dewch draw i'n stondin i gyfarfod ein tîm cyfeillgar! Byddwn wrth law i ateb unrhyw gwestiynau sydd gennych am ein cyfres o gymwysterau, yn cynnwys ein cymwysterau galwedigaethol Gwneud-i-Gymru newydd, megis y cymwysterau TAAU ac i arddangos ein hamrywiaeth heb ei hail o adnoddau digidol ategol RHAD AC AM DDIM 

Wrth sôn am ein rhan yng Nghynhadledd Flynyddol ColegauCymru, dywedodd Sascha Hallett, Rheolwr Datblygu Busnes: 

"Rydym yn falch iawn o fod yn rhan o'r gynhadledd eleni. Mae'n wych bob amser cwrdd â chydweithwyr o bob rhan o'r sector addysg, cael sgyrsiau ystyrlon, a chlywed am y gwaith cyffrous sy'n digwydd ar draws Cymru.

Rydym hefyd yn awyddus i arddangos ein cymwysterau newydd sbon, ynghyd â'r amrywiaeth eang o gefnogaeth ac adnoddau digidol rhad ac am ddim sydd ar gael i ysgolion a cholegau. Edrychwn ymlaen at glywed eich cwestiynau a deall sut gallwn eich cefnogi.”