Y Prif Weithredwr yn ymuno â phanel uchel ei barch o'r DU ac yn rhyngwladol i drafod dyfodol asesu digidol
Mae'n bleser mawr gennym gyhoeddi y bydd ein Prif Weithredwr, Ian Morgan, yn ymuno â phanel uchel ei broffil o arbenigwyr o'r DU ac yn rhyngwladol yn Bett UK 2026, i ystyried yr hyn y mae parodrwydd digidol yn ei olygu i ddyfodol asesu.
Gan gynrychioli'r unig gorff dyfarnu a wahoddwyd i gymryd rhan, bydd Ian yn rhoi cipolwg ar yr hyn sy'n deillio o bron ddau ddegawd o brofiad yn cyflwyno asesiadau ar-lein ar draws cymwysterau cyffredinol a galwedigaethol ledled y DU.
 |
Mae asesiadau ar-lein wedi'u cyflwyno gennym ers bron 20 mlynedd, ac yn ystod y cyfnod hwnnw rydym wedi dod i ddeall sut gellir rhoi asesu digidol ar waith mewn modd diogel, teg ac ar raddfa. Ar sail y profiad hwn felly rydym mewn safle cryf i gefnogi ysgolion a cholegau fel y gallent fynd ati'n hyderus i fabwysiadu a chyflwyno'r math hwn o asesu. |
Mae dysgwyr bellach yn dod yn fwy llythrennog yn ddigidol, a chredwn yn gryf fod modd i asesu gynnal tegwch, diogelwch ac uniondeb a harneisio'r sgiliau hyn ar yr un pryd. Deallwn yr heriau a wynebir gan yr ysgolion a'r colegau ac rydym wedi ymrwymo i gefnogi'r sector wrth i ni gydweithio i ehangu'r dewis a'r cyfle sydd ar gael i ddysgwyr.
Edrychaf ymlaen at rannu ein profiad â chyd-banelwyr uchel eu parch, rwy'n siwr y bydd hon yn drafodaeth fywiog a fydd yn hoelio sylw.”
Yn ymuno ag Ian y mae Dominic Liechti, Uwch Gyfarwyddwr Marchnata Cynhyrchion Byd-eang Apple, a fydd yn cymedroli'r drafodaeth. Ymhlith aelodau eraill y panel y mae Pepe Di’Iasio, Ysgrifennydd Cyffredinol Cymdeithas Arweinwyr Ysgolion a Cholegau (ASCL), a Syr Ian Bauckham, Prif Reoleiddiwr Ofqual.
Gyda'i gilydd, bydd y panel yn ystyried cerrig milltir rheoleiddiol, parodrwydd ysgolion a cholegau, strategaethau byrddau arholi, a'r sylfeini technolegol angenrheidiol i sicrhau bod y cyfnod pontio i asesu digidol yn un sicr ac yn gallu ehangu.
Cynhelir y sgwrs ar 22 Ionawr, 10:15 – 10:45 yn yr Arena. I gael gwybod mwy am Bett UK 2026 ac i archebu eich lle, ewch i'w gwefan.
I ddysgu mwy am asesu ar-lein gyda CBAC, ewch i'n gwefan.