Addasiadau arfaethedig i gymwysterau TAG CBAC yn haf 2021

Prif Weithredwr yn ymuno â phanel arbenigol i drafod cyfundrefn gymwysterau y dyfodol

Bydd Prif Weithredwr CBAC, Ian Morgan, yn ymuno â phanel o addysgwyr uchel eu parch mewn digwyddiad Fforwm Polisi i Gymru i drafod cyfundrefn gymwysterau newydd i bobl ifanc rhwng 14 ac 16 oed.

Mewn sylw ar gymryd rhan yn y gynhadledd flaenllaw, dywedodd Ian Morgan, Prif Weithredwr CBAC: “Mae Cymwys ar gyfer y Dyfodol yn cynnig cyfle inni adolygu ein dull o ddylunio ac asesu cymwysterau. Trwy'r fenter hon, gall Cymru fod yn arweinwyr byd-eang, gan ddarparu gwell cyfleoedd i ddysgwyr ledled Cymru ffynnu mewn marchnad fyd-eang.

Mae methodolegau addysgu a dysgu yn parhau i esblygu, fel y mae anghenion y cyflogwyr. Dylai cymwysterau barhau i ymateb i'r newidiadau hyn, drwy roi cyfleoedd i ddysgwyr arddangos y sgiliau a'r wybodaeth sy'n caniatáu iddynt symud ymlaen yn eu gyrfaoedd.

Mae cynadleddau fel y rhain yn caniatáu i ni drafod a herio ein meddylfryd ein hunain, gan barhau ar yr un pryd i ganolbwyntio ar ddarparu cyfleoedd i ddysgwyr dyfu.”

Yn ymuno ag Ian ar y drafodaeth banel hon fydd Neil Butler, Swyddog Cenedlaethol Cymru, NASUWT a Hywel Parry, Pennaeth, Ysgol John Bright , lle byddant yn archwilio  dylunio cymwysterau, dewis, cynnwys a systemau graddio. Bydd cyfleoedd am gwestiynau a sylwadau o'r llawr hefyd.

Cynnwys y Gynhadledd

Bydd y gynhadledd ar-lein yn cael ei chynnal ddydd Llun 5 Rhagfyr, ac yn archwilio'r gyfundrefn  gymwysterau newydd yng Nghymru ar gyfer rhai rhwng 14 ac 16 oed. Mae'n dilyn cyhoeddi cynigion Cymwysterau Cymru ar gyfer y TGAU diwygiedig, ac wrth i'r rheoleiddiwr ymgynghori ar eu dyluniad a'u cynnwys.

Bydd y digwyddiad yn cynnwys sesiynau allweddol gan Emyr George, Cyfarwyddwr Polisi a Diwygio Cymwysterau Cymru; a Lucy Crehan, Ymgynghorydd Addysg Rhyngwladol.

Bydd gan gynrychiolwyr gyfle i drafod cyfeiriad cyfundrefn gymwysterau Cymru yn y dyfodol, ochr yn ochr â swyddogion polisi allweddol sydd i fod i fynychu o Adran yr Economi, Gogledd Iwerddon; IPO; Senedd Cymru; a Llywodraeth Cymru.

I archebu'ch lle, ewch i wefan Fforwm Polisi Cymru.