Helpwch i lunio ein cynnig o gymwysterau newydd ar gyfer pobl ifanc 14-16 oed
Fel rhan o gynnig Cymwysterau Cenedlaethol 14-16 oed Cymwysterau Cymru, bydd CBAC yn datblygu cymwysterau TAAU (Tystysgrif Alwedigaethol Addysg Uwchradd) a Chymwysterau Sylfaen cysylltiedig â gwaith. Rydym hefyd yn datblygu cymwysterau Sylfaen cyffredinol mewn nifer o bynciau.
Rydym wedi datblygu arolwg i lywio'r gwaith o ddatblygu'r cymwysterau hyn. Gallwch gael mynediad i'r arolwg drwy'r ddolen ganlynol.
Sylwch, bydd yr arolwg yn cau ar Ebrill 14.
Diben yr arolwg hwn yw casglu barn addysgwyr ar gymwysterau cyfredol ar gyfer pobl ifanc 14–16 oed, ac eithrio TGAU, er mwyn helpu i lunio ein cynnig cymwysterau newydd o 2027, gan sicrhau ei fod yn cefnogi ac yn adlewyrchu’r Cwricwlwm i Gymru a’i Bedwar Diben.
Rydym yn chwilio am farn addysgwyr sy'n addysgu yn y meysydd canlynol:
| Galwedigaethol (Lefel Mynediad – Lefel 2) | Cyffredinol (Lefel Mynediad): |
| Amgylchedd Adeiledig | Lefel Mynediad Cymraeg Ail Iaith |
| Busnes, Cyfrifeg a Chyllid | Lefel Mynediad Cymraeg |
| Chwaraeon a Hamdden | Lefel Mynediad Dylunio a Thechnoleg |
| Cynhyrchu Creadigol a'r Cyfryngau, a Thechnoleg | Lefel Mynediad Mathemateg a Rhifedd |
| Gwasanaethau Cyhoeddus | Lefel Mynediad Technoleg Ddigidol |
| Manwerthu a Gwasanaethau Cwsmeriaid | Lefel Mynediad Y Celfyddydau Mynegiannol |
| Peirianneg | Lefel Mynediad Y Dyniaethau |
| Teithio a Thwristiaeth | |
| Y Celfyddydau Perfformio |
Byddwn hefyd yn datblygu cymwysterau Prosiect a’r Gyfres Sgiliau – fodd bynnag, nid ydym yn casglu barn ynghylch y cymwysterau hynny drwy'r arolwg hwn ond byddwn yn ceisio barn rhanddeiliaid maes o law.