CBAC yn noddi Sioe Addysg Genedlaethol 2026

Rydym yn falch o fod yn noddi'r Sioe Addysg Genedlaethol eleni – digwyddiad blaenllaw i bawb sy'n gweithio ym myd addysg!

Pryd? Dydd Gwener, 2 Hydref  
Ble? Utilita Arena, Caerdydd

Ynglŷn â'r digwyddiad   

Mae'r Sioe Addysg Genedlaethol yn un o'r digwyddiadau addysg mwyaf dylanwadol, ac yn dod â miloedd o athrawon, arweinwyr a gweithwyr addysg proffesiynol at ei gilydd am ddiwrnod o ddysgu, rhwydweithio a darganfod syniadau newydd.    

Gyda rhaglen orlawn o seminarau ac amrywiaeth enfawr o arddangosfeydd yn dangos yr adnoddau a'r datblygiadau diweddaraf, mae'n gyfle gwych i archwilio dulliau newydd, dysgu strategaethau ymarferol, a chysylltu â phobl eraill sy'n angerddol am wella addysg. 

> Gweler yr agenda lawn 

Dewch i ddweud helo

Bydd ein tîm cyfeillgar ar gael yn Stondinau 157 a 158 i ateb unrhyw gwestiynau sydd gennych am ein cyfres o gymwysterau, yn cynnwys ein cymwysterau galwedigaethol Gwneud-i-Gymru newydd, megis y cymwysterau TAAU ac i arddangos ein hamrywiaeth heb ei hail o adnoddau digidol ategol RHAD AC AM DDIM.  

Dywedodd Wyn Jones, Swyddog Datblygu Cymwysterau, wrth sôn am ein rhan:   “Mae'r Sioe Addysg Genedlaethol bob amser yn uchafbwynt yn ein calendr digwyddiadau, gan ddod ag addysgwyr at ei gilydd am ddiwrnod o gydweithio, trafod ac ysbrydoliaeth. Rydym yn croesawu'r cyfle i rannu syniadau, dysgu oddi wrth ein gilydd, a meithrin cysylltiadau sy'n ein helpu i barhau i ddarparu'r gorau i'n dysgwyr.   Os byddwch chi'n mynychu, byddem wrth ein bodd yn eich gweld chi! Galwch heibio i'n stondin i gwrdd â'r tîm, cael sgwrs, ac archwilio sut gallwn ni gefnogi addysgu a dysgu ar draws Cymru.”

> Gweld seminarau YMA! 
> Lawrlwythwch Lyfryn Sioe Caerdydd 2026 YMA!