CBAC yn cefnogi project addysgu creadigol-feirniadol arloesol

Mae CBAC yn falch iawn o gefnogi'r project 'Beyond the Essay: Creative-Critical Teaching', sef menter newydd uchelgeisiol sydd â'r nod o ailystyried rôl ymarfer creadigol a beirniadol wrth astudio llenyddiaeth ar draws ysgolion a phrifysgolion. 

Dan arweiniad Thomas Karshan ym mhrifysgol East Anglia a Kate Bomford ym mhrifysgol UCL Institute of Education, bydd y project tair blynedd yn dod ag academyddion, athrawon, sefydliadau proffesiynol a chyrff dyfarnu ynghyd i archwilio sut gall dulliau creadigol gyfoethogi addysgu, dysgu ac asesu Llenyddiaeth Saesneg.

Wrth sôn am gyfranogiad CBAC, dywedodd Rhodri Jones, Swyddog Pwnc Llenyddiaeth Saesneg yn CBAC: “Rydyn ni'n falch o gefnogi project sy'n ceisio gwneud astudio llenyddiaeth mewn ysgolion a phrifysgolion yn atyniadol i ddysgwyr. Mae'r project yn cynnig cyfle unigryw i ddod ag ymchwilwyr, athrawon a chyrff dyfarnu at ei gilydd i ystyried y gwaith o addysgu ac asesu llenyddiaeth, gan sicrhau bod y pwnc yn parhau i fod yn ddiddorol, yn berthnasol ac yn ysbrydoledig i genedlaethau o ddysgwyr y dyfodol.” 

Ynglŷn â'r project 

Bydd y project yn digwydd rhwng 2026 a 2029, a bydd yn canolbwyntio ar ddimensiynau hanesyddol, ymarferol a sefydliadol astudio llenyddiaeth, a'r nod yw cryfhau'r berthynas rhwng ymarfer creadigol a dadansoddi beirniadol. 

Bydd y prif ddeilliannau'n cynnwys:

  • Addysgu hanes llenyddiaeth yn gynhwysfawr am y tro cyntaf yn y DU 
  • Ymchwil yn yr ystafell ddosbarth i ddulliau addysgu creadigol-feirniadol 
  • Datblygu adnoddau addysgu mynediad agored 
  • Cydweithio rhwng prifysgolion, ysgolion, athrawon a chyrff dyfarnu 
  • Cyfrannu at drafodaethau ar bolisïau addysg Saesneg y dyfodol

Mae'r project yn dod ag amrywiaeth eang o sefydliadau ac arbenigwyr ynghyd, gan gynnwys The English Association, National Association for the Teaching of English (NATE), University English, English and Media Centre, a chyrff dyfarnu o bob cwr o'r DU. 

Trwy gysylltu addysg uwchradd ac addysg uwch, ac annog dulliau arloesol o astudio gwaith llenyddol, nod y project yw creu dyfodol mwy dynamig ac integredig ar gyfer addysgu a dysgu Saesneg. 

Darganfod mwy

Mae rhagor o wybodaeth am y project ar gael yma.