CBAC TAAU Lefel 1/Lefel 2 Cynhyrchu Creadigol a'r Cyfryngau, a Thechnoleg
Dysgu: Medi 2027
Codau Cyfeirio
Ynglŷn a'r TAAU mewn
Cynhyrchu Creadigol a'r Cyfryngau, a Thechnoleg Mae'r diwydiannau creadigol yn sector twf dynamig yng Nghymru, sy'n cael ei lywio gan arloesi digidol a llwyfannau cyfryngau amrywiol.
Mae'r cymhwyster hwn yn cyflwyno dysgwyr i gwmpas cynhyrchu creadigol a'r cyfryngau, rolau allweddol, ac arferion y diwydiant, ochr yn ochr ag ystyriaethau moesegol, cyfreithiol a thechnolegol.
Drwy brojectau ymarferol, mae dysgwyr yn cynllunio, cynhyrchu a mireinio cynnwys y cyfryngau, gan ddatblygu sgiliau creadigol, technegol a threfnu wrth iddyn nhw baratoi i astudio ymhellach neu i ddilyn prentisiaethau neu yrfaoedd yn y diwydiant bywiog hwn sy'n datblygu'n gyflym.
Ar gyfer pwy mae'r cymhwyster hwn?
Mae ein cymhwyster Lefel 1/2 TAAU Cynhyrchu Creadigol a'r Cyfryngau, a Thechnoleg wedi'i lunio fel dewis galwedigaethol deniadol arall neu i ategu cymwysterau TGAU ar gyfer dysgwyr 14 16 oed mewn ysgolion.
Mae'n cynnig llwybr clir i ddeall y diwydiannau creadigol, eu rolau amrywiol, a'u cyfleoedd gyrfa, wrth ddatblygu sgiliau ymarferol a thechnegol.
Mae'r sylfaen gref hon yn cefnogi symud ymlaen i astudio ymhellach neu i ddilyn prentisiaethau neu gyflogaeth mewn sector dynamig sy'n arloesi ac yn sbarduno twf yng Nghymru.
Oes gennych chi gwestiwn?
Swyddog Pwnc
Mae ein tîm pwnc yn hapus i'ch helpu gyda'ch holl ymholiadau sy'n ymwneud ag addysgu a dysgu ein manylebau. Mae ein Swyddogion Pwnc yn athrawon profiadol ac maen nhw yma i'ch cefnogi chi i gyflawni ein cymwysterau. Cysylltwch â ni trwy e-bost neu ffôn.
