CBAC TAAU Lefel 1/Lefel 2 Chwaraeon a Hamdden

Mae chwaraeon a hamdden yn chwarae rhan allweddol yn y gymdeithas yng Nghymru, gan hybu iechyd, llesiant, cynhwysiant ac ymgysylltu â'r gymuned wrth gynnig cyfleoedd gyrfa amrywiol.

Mae'r cymhwyster hwn yn cefnogi dysgwyr i archwilio'r sector, ymchwilio i lwybrau gyrfa, deall sut mae mentrau yn hybu cyfranogiad a llesiant, a datblygu sgiliau ymarferol mewn perfformio, arwain a hyfforddi. Mae dysgwyr yn cwblhau asesiadau sy'n arddangos eu sgiliau ymarferol a pha mor barod ydyn nhw ar gyfer dysgu pellach neu waith.

Drwy'r profiadau hyn, maen nhw'n datblygu dealltwriaeth ddyfnach o'r sector, gan fagu hyder a hyfedredd wrth iddyn nhw baratoi ar gyfer astudiaethau pellach neu yrfaoedd mewn chwaraeon a hamdden. 

Mae ein cymhwyster Lefel 1/2 TAAU Chwaraeon a Hamdden wedi'i lunio i fod yn gyfochrog â chymwysterau TGAU, gan gynnig profiad galwedigaethol ymarferol sy'n ehangu dysgu i ddysgwyr 14 i 16 oed mewn ysgolion.

Mae'n addas i'r rhai hynny sydd â diddordeb mewn deall sut mae'r sector yn hybu iechyd, llesiant a chyfranogiad cymunedol, ac sydd eisiau archwilio gyrfaoedd cysylltiedig.

Mae dysgwyr yn datblygu sgiliau perfformio, arwain neu hyfforddi ac yn cwblhau gweithgareddau neu brojectau sy'n cefnogi symud ymlaen i astudio ymhellach neu ymuno â'r byd gwaith.