CBAC Sylfaen Lefel Mynediad / Lefel 1 Chwaraeon a Hamdden

Mae Cymhwyster Sylfaen Cysylltiedig â Gwaith CBAC mewn Chwaraeon a Hamdden yn cynnig cyflwyniad diddorol ac ymarferol i ddysgwyr rhwng 14 a 16 oed i sector sy'n chwarae rhan hanfodol o ran iechyd, llesiant ac ymdeimlad dysgwyr o 'gynefin' yng Nghymru.

Mae'n datblygu gwybodaeth hanfodol a sgiliau trosglwyddadwy fel cyfathrebu, gwaith tîm a datrys problemau, yn ogystal â hyder wrth weithio gydag eraill mewn lleoliadau gweithgareddau go iawn.

Mae'r cymhwyster yn cefnogi symud ymlaen i lwybrau astudio ôl-16 a chyflogaeth, gan helpu dysgwyr i archwilio cyfleoedd gyrfa gwirioneddol ar draws chwaraeon a hamdden yng Nghymru. 

Mae'r cymhwyster Sylfaen Cysylltiedig â Gwaith mewn Chwaraeon a Hamdden wedi'i lunio i hyrwyddo profiadau galwedigaethol cadarnhaol ar gyfer dysgwyr rhwng 14 ac 16 oed sy'n gweithio o Lefel Mynediad hyd at Lefel 1.

Mae'n cynnig llwybr strwythuredig, ymarferol i ddeall rôl chwaraeon a hamdden ym mywydau pobl yng Nghymru, gan helpu dysgwyr i feithrin hyder a sgiliau craidd. 

Mae'r cymhwyster yn gweithredu fel sylfaen ardderchog ar gyfer symud ymlaen i hyfforddiant neu ddysgu ôl-16 ac, lle bo'n briodol, i astudio TGAU neu TAAU.