CBAC Sylfaen Lefel Mynediad / Lefel 1 Amgylchedd Adeiledig
Ynglŷn â'r Cymhwyster Sylfaen Cysylltiedig â Gwaith mewn Amgylchedd Adeiledig
Mae'r amgylchedd adeiledig yn sector enfawr sy'n cael effaith uniongyrchol ar fywydau pob dydd dysgwyr.
Bydd y cymhwyster hwn yn helpu dysgwyr i wneud synnwyr o'r lleoedd o'u cwmpas nhw, i werthfawrogi'r amgylchedd adeiledig yng Nghymru ac i ddatblygu sgiliau ymarferol penodol.
Mae'n sector cyffrous i ddysgwyr ei archwilio gan ei fod yn cyflogi bron i bedair miliwn o bobl yn y DU.
Ar gyfer pwy mae'r cymhwyster hwn?
Mae'r Cymhwyster Sylfaen Cysylltiedig â Gwaith mewn Amgylchedd Adeiledig wedi'i lunio i hyrwyddo profiadau galwedigaethol cadarnhaol i ddysgwyr rhwng 14 ac 16 oed mewn ysgolion a cholegau.
Mae'n cynnig llwybr strwythuredig i ddeall natur amrywiol yr amgylchedd adeiledig a'r rolau swyddi yn y sector.
Mae'n gweithredu fel sylfaen ardderchog i alluogi dysgwyr i symud ymlaen i hyfforddiant neu ddysgu ôl-16 ac, lle bo'n briodol, i astudio cymwysterau TGAU neu TAAU.
