CBAC Cymhwyster Sylfaen Lefel Mynediad Cymraeg
Ynglŷn â'r Cymwysterau Sylfaen Cyffredino mewn Cymraeg
Mae'r cymhwyster Sylfaen Lefel Mynediad Cymraeg wedi'i lunio ar gyfer dysgwyr sy'n gweithio ar Lefel Mynediad 1 i Lefel Mynediad 3, gan ddarparu llwybr cefnogol a chynhwysol i ddatblygu sgiliau cyfathrebu hanfodol ar gyfer bywyd pob dydd, dysgu a byd gwaith.
Mae'r cymhwyster hwn yn grymuso dysgwyr i fagu hyder a chymhwysedd wrth ddarllen, ysgrifennu, siarad a gwrando, gyda phwyslais cryf ar berthnasedd, hygyrchedd a chymhwyso at gyd destunau bywyd go iawn.
Ar gyfer pwy mae'r cymhwyster hwn?
Mae'r cymhwyster hwn ar gyfer dysgwyr rhwng 14 ac 16 oed sy'n gweithio ar Lefel Mynediad yn y pwnc hwn. Bydd yn datblygu ymhellach y ddealltwriaeth gysyniadol y mae dysgwyr wedi'i meithrin drwy eu haddysg Cwricwlwm i Gymru rhwng 3 ac 14 oed.
Mae hefyd yn ymwneud â'r pedwar diben a'r egwyddorion cynnydd ac yn eu cefnogi. Bydd y cymhwyster yn gweithredu fel sylfaen eang ar gyfer symud ymlaen i astudio TGAU Iaith a Llenyddiaeth Gymraeg drwy ganolbwyntio ar ddealltwriaeth a sgiliau tebyg.
