Creu llwybrau mwy gwyrdd i'r dyfodol: Cynaliadwyedd yn Ymarferol bellach yn ddilys ar gyfer cyllid

Dywedodd Laura Callaghan, Swyddog Pwnc ein cyfres Cynaliadwyedd:  

"Fel y corff dyfarnu cyntaf i ddatblygu cyfres bwrpasol o gymwysterau Cynaliadwyedd, rydym yn falch iawn bod Cynaliadwyedd yn Ymarferol – Ysgogwyr Newid y Dyfodol bellach yn ddilys ar gyfer cyllid. Bydd y datblygiad hwn yn galluogi mwy o ddysgwyr a gweithwyr ledled Cymru i gael mynediad at y cymhwyster a chael effaith gadarnhaol ac ystyrlon yn eu gweithleoedd a'u cymunedau lleol.  

Mae cynaliadwyedd yn her fyd-eang, ac yn un y mae angen cyfrifoldeb ar y cyd amdani. Mae'r cymhwyster hwn yn rhoi'r ddealltwriaeth ddamcaniaethol a'r sgiliau ymarferol angenrheidiol i ddysgwyr fynd i'r afael â materion cynaliadwyedd a chymhwyso'r egwyddorion hyn mewn lleoliadau byd go iawn. Drwy dynnu rhwystrau ariannol, rydym yn hyderus y bydd y cyllid hwn yn helpu i ysgogi newid cadarnhaol a pharhaol." 

Yn ei sylwadau am y cyfle am gyllid, dywedodd Derek Walker, Comisiynydd Cenedlaethau'r Dyfodol Cymru:   

"Gall pawb chwarae ei ran yn y Gymru rydym am fyw ynddi heddiw a'i diogelu ar gyfer plant yfory. Rwy'n croesawu'r newyddion bod y cymhwyster Cynaliadwyedd yn Ymarferol – Ysgogwyr Newid y Dyfodol ar gael i fwy o bobl drwy'r Cyfrifon Dysgu Personol Gwyrdd. Mae'r cymhwyster hwn yn adlewyrchu meddylfryd Deddf Llesiant Cenedlaethau'r Dyfodol, gan helpu pobl o bob oedran i feithrin y sgiliau a'r cymhelliant i weithredu ar gyfer Cymru lewyrchus, wydn a mwy cyfartal. Mae cyllid Cyfrifon Dysgu Personol yn arwyddocaol iawn am ei fod yn galluogi pobl i gymryd mwy o ran, yn chwalu rhwystrau ac yn gwneud dysgu am gynaliadwyedd yn hygyrch i fwy o bobl nag erioed, gan atgyfnerthu'r neges bod cyfrifoldeb ar bawb i adeiladu dyfodol gwell."