Canlyniadau Safon Uwch 2025: Beth sydd nesaf i chi?

Llongyfarchiadau, mae Diwrnod y Canlyniadau wedi cyrraedd! P'un a ydych chi wedi cwblhau Safon Uwch, Diplomâu Lefel 3, y Dystysgrif Her Sgiliau, y Project Estynedig, neu gymwysterau eraill, mae hon yn garreg filltir fawr. 

Felly... beth sy'n dod nesaf? 

P'un a ydych chi'n dathlu, ailasesu, neu'n dal i benderfynu, dyma rai llwybrau i'w hystyried gan eich bod wedi cyrraedd y groesffordd gyffrous hon. 

Prifysgol 

Os ydych chi wedi derbyn lle yn y brifysgol, llongyfarchiadau! Rydych chi ar fin archwilio pwnc rydych chi'n dwlu arno (gobeithio), cwrdd â phobl newydd, a dechrau siapio eich dyfodol. 

Ond os yw eich cynlluniau wedi newid neu os na chawsoch chi'r canlyniadau roeddech chi'n eu disgwyl, peidiwch â phoeni – mae gennych chi opsiynau o hyd: 

• Mae'r broses glirio ar agor – archwilio cyrsiau a allai fod yn fwy addas i chi. 
• Mae mynediad gohiriedig neu flwyddyn i ffwrdd yn gwbl ddilys os oes angen amser arnoch i benderfynu. 
• Gall cyrsiau sylfaen helpu i bontio'r bylchau i'r pwnc o'ch dewis. 

Cofiwch: Mae mynd i’r brifysgol yn benderfyniad mawr. Gwnewch yn siŵr ei fod yn cyd-fynd â'ch diddordebau, nid disgwyliadau yn unig. 

Ymuno â'r Byd Gwaith 

Ydych chi'n barod i ennill cyflog a dysgu yn y byd go iawn? Mae'n amser gwych i ymuno â'r farchnad swyddi. 

Gallech chi wneud y canlynol:

• Gwneud cais am rolau lefel mynediad mewn diwydiannau lle mae arnoch awydd gwybod mwy amdanynt 
• Rhoi cynnig ar swyddi rhan amser neu dros dro i ennill profiad wrth i chi gynllunio eich camau nesaf 
• Archwilio rhaglenni gadael yr ysgol sy'n cynnig hyfforddiant a dilyniant gyrfa 

Gall y profiad rydych chi'n ei gael nawr siapio eich gyrfa yn y dyfodol, a bydd yn edrych yn wych ar eich CV. 

Prentisiaethau Uwch 

Ddim yn siŵr a ddylech chi weithio neu astudio? Beth am wneud y ddau? 

Mae Prentisiaeth Uwch yn caniatáu i chi wneud y canlynol: 

• Gweithio mewn swydd go iawn 
• Ennill cymwysterau gwerthfawr (hyd at lefel gradd) 
• Ennill cyflog wrth ddysgu 

Mae'n ddewis gwych os yw'n well gennych chi ddysgu ymarferol ac eisiau osgoi dyled prifysgol. 

Gwirfoddoli a Phrofiad Gwaith 

Nid oes rhaid i bopeth ymwneud ag incwm uniongyrchol neu gymwysterau. Gall gwirfoddoli a phrofiad gwaith fod yr un mor werthfawr. 

Edrychwch ar elusennau lleol, projectau cymunedol, neu leoliadau tymor byr yn eich ardal chi. 

Cymerwch Amser i Adfyfyrio 

Pa bynnag lwybr rydych chi'n ei ddewis, gwnewch yn siŵr ei fod yn iawn i chi. Siaradwch ag: 

Y prif beth yw ymddiried yn eich greddf. Mae taith pawb yn edrych yn wahanol, ac nid oes unrhyw frys i gael y cyfan wedi'i ddatrys ar unwaith. 

Mi fyddwch chi'n iawn 

Dim ond y dechrau yw hwn. P'un a ydych chi'n mynd i'r brifysgol, yn ymuno â'r byd gwaith, yn dechrau prentisiaeth, neu'n gwneud penderfyniad cam wrth gam, rydych chi'n adeiladu eich dyfodol. 

Llongyfarchiadau ar eich canlyniadau a phob lwc ar gyfer y cam nesaf!