Lefel 3 Bagloriaeth Sgiliau Cymru Uwch

Rydym wrthi'n datblygu'r cymhwyster Bagloriaeth Sgiliau Uwch Lefel 3 newydd a fydd yn disodli'r Dystysgrif Her Sgiliau Uwch o fis Medi 2023.

Bydd y cymhwyster Lefel 3 cyffrous, newydd hwn yn helpu dysgwyr i ddod yn ddinasyddion effeithiol, cyfrifol a gweithgar sy'n barod i gymryd eu lle mewn cymdeithas fyd-eang gynaliadwy ac yn y gweithle.

Drwy gwblhau cymhwyster Bagloriaeth Sgiliau Uwch Cymru, bydd y dysgwyr yn:

• datblygu, yn defnyddio ac yn cael eu hasesu ar eu sgiliau Cynllunio a Threfnu; Meddwl yn Feirniadol a Datrys Problemau; Creadigrwydd ac Arloesi; ac Effeithiolrwydd Personol (y Sgiliau 'Cyfannol') 
• cael cyfleoedd i ddatblygu ymhellach eu sgiliau Llythrennedd, Rhifedd a Chymhwysedd Digidol (y Sgiliau 'Mewnblanedig') 
• dod i werthfawrogi pwysigrwydd y broses o feithrin sgiliau fel agwedd allweddol ar ddysgu gydol oes 
• cymryd rhan mewn cyfleoedd gweithredol, creadigol, ac wedi'u harwain gan y dysgwr 
• ymholi a meddwl drostynt hwy eu hunain, cynllunio, gwneud dewisiadau a phenderfyniadau, datrys problemau a myfyrio arnynt a'u gwerthuso 
• datblygu blaengaredd, annibyniaeth a gwydnwch 
• gweithio'n annibynnol, ymgymryd â chyfrifoldebau a gweithio'n effeithiol gydag eraill. 

Bydd y fanyleb ddrafft ar gael ym mis Mehefin 2022 a bydd cyfres o ddigwyddiadau briffio ar-lein yn rhoi trosolwg o'r cymhwyster newydd, ei gynnwys a'i strwythur asesu, a sut y bydd y cymhwyster o fudd i ddysgwyr.