TGAU Astudiaethau Ffilm

Lluniwyd ein manyleb TGAU mewn Astudiaethau Ffilm i fanteisio ar frwdfrydedd dysgwyr dros ffilm a'u cyflwyno i amrywiaeth eang o brofiadau sinematig trwy ffilmiau sydd wedi bod yn bwysig yn natblygiad ffilm a thechnoleg ffilm.  

Bydd dysgwyr yn datblygu eu gwybodaeth o ffilm prif ffrwd o'r UDA trwy astudio un ffilm o'r 1950au ac un ffilm o ddiwedd y 70au a'r 80au – drwy hyn maent yn ystyried dau gyfnod yn natblygiad Hollywood. Yn ychwanegol, byddant yn astudio ffilmiau mwy diweddar – ffilm annibynnol o'r UDA ynghyd â ffilmiau o Ewrop, yn cynnwys y DU, De Affrica ac Awstralia. 

Mae cynhyrchu'n rhan bwysig o'r fanyleb hon ac mae'n rhan annatod o astudiaeth dysgwyr o ffilm. Pwrpas astudio amrywiaeth o ffilmiau o nifer o wahanol gyd-destunau yw rhoi cyfle i ddysgwyr gymhwyso’u gwybodaeth a'u dealltwriaeth o sut mae ffilmiau'n cael eu llunio at eu prosesau eu hunain o wneud ffilmiau a sgriptio.  

Y bwriad yw y bydd hyn yn cefnogi dysgwyr wrth iddynt gynhyrchu ffilmiau a sgriptiau ffilm creadigol ynghyd â galluogi eu gwaith cynhyrchu i ddarparu safbwynt gwneuthurwr ffilmiau gwybodus ar ei astudiaeth ei hun o ffilm.