Naid i'r cynnwys

 
 
 

Economeg y Cartref - Bwyd a Maeth Lefelau:

Canfod cymwysterau ac adnoddau


Rydych chi yma: Economeg y Cartref - Bwyd a Maeth TGAU

Bwriedir y fanyleb hon i roi cyfle i ymgeiswyr i ymestyn a chymhwyso eu sgiliau, gwybod a dealltwriaeth o fwyd a maeth i amrywiaeth o gyd-destunau. Bydd y fanyleb yn rhoi cyfleoedd i ymgeiswyr i ddatblygu eu meddwl beirniadol ac i reoli amrywiaeth o adnoddau er mwyn datblygu eitemau o fwyd sy'n addas i anghenion unigolion neu deuluoedd, ac i adnabod dylanwad tueddiadau presennol, y farchnad economi a newid technolegol.

NEWYDD: Cymeradwyo TGAU Economeg y Cartref (Bwyd a Maeth) llinol CBAC

Yn gyffredin â sefydliadau dyfarnu eraill, gofynnwyd i CBAC yn ddiweddar i ddiwygio manylebau TGAU er mwyn i’r asesu fod yn llinol.

Mae’n bleser gennym gyhoeddi bod manyleb TGAU llinol CBAC mewn Economeg y Cartref – Bwyd a Maeth wedi cael ei chymeradwyo / eu cymeradwyo gan y rheoleiddwyr.

Mae’r cynnwys pwnc yn aros yr un peth. Yr unig wahaniaeth yw’r ffaith fod angen cymryd yr holl arholiadau ar ddiwedd y cwrs mewn manylebau llinol. Gallwch weld y fanyleb ddiwygiedig yma.

Y prif bwyntiau:

Bydd gofyn i BOB canolfan yn Lloegr ddefnyddio manylebau TGAU llinol o’r dyfarniad cyntaf yn 2014 (i’w haddysgu gyntaf ar gyrsiau dwy flynedd o fis Medi 2012).

Yng Nghymru, bydd y canolfannau’n gallu dewis dilyn y naill neu’r llall o’r ddau ddewis sydd ar gael ar gyfer cyrsiau sy’n cychwyn ym mis Medi 2012:

  • manylebau llinol (dyfarniad cyntaf haf 2014), lle mae’r ymgeiswyr yn sefyll eu harholiadau i gyd ar ddiwedd y cwrs
  • manylebau unedol sy’n bodoli eisoes gan gael eu hasesu mewn unedau ar wahân ar wahanol adegau yn ystod y cwrs fel y gwneir ar hyn o bryd

Dogfennau Allweddol

Asesiad dan Reolaeth

UNED 2 – Tasgau Ymarferol Bwyd a Maeth: i’w cyflwyno o fis Medi 2012

(i) Tasg 1 (20%)
(ii) Tasg 2 (40%)

(i) Tasg 1 Noder, nid oes unrhyw newid i dasg 1.

Bydd ymgeiswyr yn cwblhau un dasg wedi'i dewis o’r gronfa dasgau ganlynol. Yr amser a neilltuir i'r dasg hon yw 10 awr.

1. Mae ffrwythau a llysiau'n rhan hanfodol o'r deiet dyddiol. Archwiliwch a chynhyrchwch bedair saig i annog mwy o ddefnydd o ffrwythau a/neu lysiau.

2. Mae gan wyau swyddogaeth bwysig wrth baratoi a choginio bwyd. Archwiliwch a chynhyrchwch bedair saig sy’n dangos defnydd gwahanol o wyau.

3. Mae lleihau halen wrth goginio'n gallu cael effaith gadarnhaol ar iechyd a lles. Archwiliwch a chynhyrchwch bedair saig sy'n hyrwyddo'r defnydd o gyflasynnau gwahanol.

(ii) Tasg 2 Mae'r dasg newydd wedi ei nodi mewn llythrennau trwm.

Bydd ymgeiswyr yn cwblhau un dasg wedi’i dewis o'r ddwy dasg ganlynol. Yr amser a neilltuir i'r dasg hon yw 20 awr.

NAILL AI

1.Caiff pobl ifanc yn eu harddegau eu hannog i ddilyn diet cytbwys a ffordd o fyw iach.

(a) Ymchwiliwch i bwysigrwydd diet cytbwys a ffordd o fyw iach i bobl ifanc yn eu harddegau.

(b) Datblygwch amrywiaeth o seigiau diddorol a allai fod yn rhan o ddiet cytbwys a ffordd o fyw iach pobl ifanc yn eu harddegau.

(c) Cynlluniwch gamau gweithredu ar gyfer gwneud detholiad o seigiau i bobl ifanc yn eu harddegau sy'n dilyn diet cytbwys a ffordd o fyw iach.

(ch) Gwnewch y detholiad o seigiau a'u cyflwyno.

(d) Gwerthuswch eich gwaith.

NEU

2. Mae grawnfwydydd yn gwneud cyfraniad pwysig i'r deiet.

(a) Ymchwiliwch i rôl grawnfwydydd yn y deiet.

(b) Datblygwch amrywiaeth o syniadau ar gyfer seigiau gan ddefnyddio grawnfwydydd.

(c) Cynlluniwch drefn gweithredu i wneud detholiad o seigiau gan ddefnyddio grawnfwydydd.

(ch) Gwnewch a chyflwynwch ddetholiad o seigiau.

(d) Gwerthuswch eich gwaith.  

Adnoddau

Datblygiad Proffesiynol Parhaus

Cyhoeddir dyddiadau’r DPP ar gymedroli asesiad mewnol yn fuan ar gyfer y flwyddyn academaidd i ddod. Darperir yr adolygiad arholiadau ar-lein; bydd mwy o fanylion ar gael maes o law.

Am fanylion pellach, cysylltwch â:

Allison Candy - Swyddog Pwnc 
Ffôn:  029 2026 5093
E-bost: allison.candy@wjec.co.uk

Jeana Hayes - Swyddog Cefnogaeth Pwnc 
Ffôn: 029 2026 5115
E-bost: jeana.hayes@wjec.co.uk

Rhowch wybod i mi

Tanysgrifiwch i gael gwybod trwy e-bost am newyddion a datblygiadau yn y pwnc yma.
Efallai y byddwn am ddefnyddio eich cod post er mwyn anfon gwybodaeth atoch am faterion perthnasol yn eich ardal.