Naid i'r cynnwys

 
 
 

Lletygarwch ac Arlwyo Lefelau:

Hefyd yn yr adran hon:

Canfod cymwysterau ac adnoddau


Rydych chi yma: Lletygarwch ac Arlwyo TGAU

Mae CBAC yn darparu cymwysterau  TGAU Lletygarwch Ac Arlwyo sy'n cwrdd ag anghenion athrawon a gofynion y rheoleiddwyr yng Nghymru a Lloegr, a bydd yn parhau i wneud hynny.

Mae’r fanyleb hon yn cynnig cyfle unigryw i ymgeiswyr ddatblygu eu gwybodaeth ac estyn eu sgiliau mewn lletygarwch ac arlwyo mewn cyd-destun galwedigaethol. Mae’n gymhwyster addas i’r rheiny sydd am gael cefndir eang yn y maes hwn ac i’r rhai sydd am symud ymlaen i addysg bellach. Bydd yn baratoad gwerthfawr i’r rhai sy’n cychwyn ym myd gwaith. Mae’r fanyleb yn annog ymchwiliad ac astudiaeth mewn amrywiaeth o gyd-destunau mewn lletygarwch ac arlwyo gan ddefnyddio amrywiol dechnegau asesu i alluogi’r ymgeisydd i ymateb trwy waith ymarferol ac ymchwiliol.

NEWYDD: Cymeradwyo TGAU Lletygarwch Ac Arlwyo llinol CBAC

Yn gyffredin â sefydliadau dyfarnu eraill, gofynnwyd i CBAC yn ddiweddar i ddiwygio manylebau TGAU er mwyn i’r asesu fod yn llinol. Mae’n bleser gennym gyhoeddi bod manyleb TGAU llinol CBAC mewnLletygarwch wedi cael ei chymeradwyo gan y rheoleiddwyr.

Mae’r cynnwys pwnc yn aros yr un peth. Yr unig wahaniaeth yw’r ffaith fod angen cymryd yr holl arholiadau ar ddiwedd y cwrs mewn manylebau llinol. Gallwch weld y fanyleb ddiwygiedig yma.

Y prif bwyntiau:

Bydd gofyn i BOB canolfan yn Lloegr ddefnyddio manylebau TGAU llinol o’r dyfarniad cyntaf yn 2014 (i’w haddysgu gyntaf ar gyrsiau dwy flynedd o fis Medi 2012).

Yng Nghymru, bydd y canolfannau’n gallu dewis dilyn y naill neu’r llall o’r ddau ddewis sydd ar gael ar gyfer cyrsiau sy’n cychwyn ym mis Medi 2012:

  • manylebau llinol (dyfarniad cyntaf haf 2014), lle mae’r ymgeiswyr yn sefyll eu harholiadau i gyd ar ddiwedd y cwrs
  • manylebau unedol sy’n bodoli eisoes gan gael eu hasesu mewn unedau ar wahân ar wahanol adegau yn ystod y cwrs fel y gwneir ar hyn o bryd

Hoffai CBAC gadarnhau y bydd y TGAU Lletygarwch ac Arlwyo yn parhau i fod ar gael yn Lloegr o fis Medi 2012. Yr unig newid yw'r newid i fod yn fanyleb linol (dyfarniad cyntaf haf 2014).

NEWYDD: TGAU Lletygarwch ac Arlwyo - Ffiniau gradd Crai/GMU.

Manyleb

Ymhlith nodweddion penodol y fanyleb gyfredol mae'r cyfle i astudio naill ai

  • Arlwyo Gradd Unigol, neu 
  • Lletygarwch Gradd Unigol, neu 
  • Lletygarwch ac Arlwyo Dwyradd
  • Cyfleoedd arholiad Ionawr a Mehefin
  • Arholiad Uned 2 ar gael ar-lein 

Dogfennau Allweddol

Asesiad dan Reolaeth

Lletygarwch ac Arlwyo: i’w gyflwyno o fis Medi 2012

Uned 1 - Sgiliau Arlwyo cysylltiedig â pharatoi a gweini bwyd

Mae'r asesiad dan reolaeth wedi'i strwythuro fel a ganlyn:

Tasg 1 - (20%) Noder, nid oes unrhyw newid i Dasg 1.

Bydd ymgeiswyr yn dewis un o’r gronfa dasgau ganlynol.

  1. Mae cogyddion yn defnyddio amrywiaeth eang o ffrwythau a llysiau i ychwanegu lliw, blas a gwead i'w bwydlenni. Gan ddefnyddio ffrwythau a llysiau, cynhyrchwch a gweinwch bedair saig ddiddorol a fyddai'n boblogaidd gyda chwsmeriaid.
  2. Mae amrywiaeth eang o gynnyrch llaeth ar gael i gogyddion eu defnyddio. Gan ddefnyddio cynnyrch llaeth, cynhyrchwch a gweinwch ddwy saig felys a dwy saig sawrus a allai gael eu cynnwys ar fwydlen.
  3. Mae te prynhawn yn boblogaidd iawn ac yn ffordd ardderchog i gogyddion arddangos eu sgiliau cynhyrchu nwyddau wedi’u pobi. Paratowch, coginiwch a gweinwch bedair eitem y byddai’n bosibl eu cynnig fel rhan o fwydlen te prynhawn. Mae’n rhaid i un ohonyn nhw, o leiaf, fod yn sawrus.

Tasg 2 - (40%) Mae'r dasg newydd wedi ei nodi mewn llythrennau trwm.

Bydd ymgeiswyr yn dewis un o blith y gronfa ganlynol o dasgau. Rhaid i bob tasg ddarparu ar gyfer dau le bwrdd.

  1. Mae'r gwesty lleol yn eich ardal yn cynnal wythnos ryngwladol. Fel cogydd dan hyfforddiant cawsoch eich gwahodd i gymryd rhan a gofynnwyd i chi baratoi pryd dau gwrs o wlad o'ch dewis chi.
  2. Mae cogyddion enwog wedi bod yn hyrwyddo pwysigrwydd deiet iach. Fel arlwywyr ysgol/coleg gofynnwyd i chi gynhyrchu a gweini pryd dau gwrs a fyddai'n annog bwyta iach yn nhŷ bwyta'r coleg/ysgol.

  3. Rydych wedi cael eich dewis i gynrychioli eich ysgol / coleg yng nghystadleuaeth ‘Cogydd Ifanc y Flwyddyn’. Mae gofyn i chi gynllunio, paratoi a gweini pryd dau gwrs i ddau berson sy’n addas i gwsmeriaid ag angen dietegol penodol.

    (Rhaid i chi nodi’n glir yr angen dietegol penodol rydych yn bwriadu arlwyo ar ei gyfer a dweud pam rydych wedi’i ddewis.)

Uned 3 - Sgiliau lletygarwch cysylltiedig â digwyddiadau ac achlysuron: Tasg Wedi'i seilio ar Ddigwyddiad – (60%)

Bydd ymgeiswyr yn cwblhau ffolio unigol sy'n cofnodi un digwyddiad a gynlluniwyd ac a gynhaliwyd o blith y canlynol (dim newid o Fanyleb TGAU 2009). Rhaid i'r digwyddiad ddarparu ar gyfer lleiafswm o 10 o bobl.

  1. Mae llawer o elusennau'n dibynnu ar ddigwyddiadau codi arian. Ymchwiliwch, cynlluniwch a chynhaliwch ddigwyddiad codi arian.
  2. Mae dathliadau o bob math yn aml yn ddigwyddiadau mawr. Ymchwiliwch, cynlluniwch a chynhaliwch ddigwyddiad dathlu.
  3. Mae ysgolion a cholegau'n cynnal llawer o ddigwyddiadau yn ystod y flwyddyn. Ymchwiliwch, cynlluniwch a chynhaliwch ddigwyddiad.

Adnoddau

Datblygiad Proffesiynol Parhaus

Cyhoeddir dyddiadau’r DPP ar gymedroli asesiad mewnol yn fuan ar gyfer y flwyddyn academaidd i ddod. Darperir yr adolygiad arholiadau ar-lein; bydd mwy o fanylion ar gael maes o law.

Am fanylion pellach, cysylltwch â:

Allison Candy - Swyddog Pwnc
Ffôn: 029 2026 5127
E-bost: allison.candy@wjec.co.uk

Jeana Hayes - Swyddog Cefnogaeth Pwnc
Ffôn: 029 2026 5115
E-bost: jeana.hayes@wjec.co.uk

Arholiad electronig/ar-lein

Laura Crook - Swyddog Cefnogaeth E-asesu
Rhif ffôn: 029 2026 5328
E-bost: laura.crook@wjec.co.uk

Rhowch wybod i mi

Tanysgrifiwch i gael gwybod trwy e-bost am newyddion a datblygiadau yn y pwnc yma.
Efallai y byddwn am ddefnyddio eich cod post er mwyn anfon gwybodaeth atoch am faterion perthnasol yn eich ardal.