Naid i'r cynnwys

 
 
 

Hefyd yn yr adran hon:

Canfod cymwysterau ac adnoddau


Rydych chi yma: Cymraeg i Oedolion

Ar y tudalennau hyn ceir gwybodaeth am y cymwysterau a’r adnoddau y mae CBAC yn eu darparu yn benodol i faes dysgu Cymraeg i Oedolion.

Angharad Mair

Cynhaliwyd seremoni i gyflwyno tystysgrifau i ymgeiswyr llwyddiannus a safodd yr arholiadau Canolradd ac Uwch yn yr Eisteddfod Genedlaethol yn Y Bala ym mis Awst.  Diolch yn fawr i Angharad Mair o raglen Wedi 7 am ddod i gyflwyno’r tystysgrifau.

Cymwysterau

Mae CBAC yn darparu cyfres o gymwysterau i oedolion sy’n dysgu Cymraeg o’r enw Defnyddio’r Gymraeg.   Mae’r gyfres yn rhoi cyfle i ymgeiswyr ddangos eu gallu yn y Gymraeg wrth siarad, gwrando, darllen ac ysgrifennu - ar y lefelau gwahanol.  Gellir ennill y cymwysterau drwy sefyll arholiadau ar ddiwrnodau penodol, ac maen nhw’n agored i oedolion sydd wedi dysgu Cymraeg yn ail iaith neu sydd wrthi’n dysgu ar hyn o bryd.  Does dim rhaid bod mewn dosbarth penodol er mwyn sefyll yr arholiadau na bod wedi sefyll yr arholiadau is yn gyntaf.  Mae’r cymwysterau’n addas i bobl sy’n dysgu mewn dosbarth nos neu ddydd, ar gwrs dwys neu ar gwrs yn y gweithle. 

Mae’r fframwaith yn y tabl isod yn rhoi arwydd o sut mae’r cymwysterau’n perthyn i’r fframwaith cymwysterau cenedlaethol ac i fframwaith ALTE/Fframwaith Cyfeirio Ewrop. 

Cymhwyster Lefel yn y fframwaith Lefel Fframwaith Cyfeirio Ewrop
Mynediad Mynediad A1
Sylfaen 1 A2
Canolradd 2 B1
Uwch 3 B2/C1
Hyfedredd 4 C2

Dyddiadau pwysig

Newydd: Mae gwybodaeth am ddyddiadau arholiadau 2011 a’r dyddiadau cau ar gael.

ALTE

ALTE

Mae CBAC yn aelod llawn o ALTE (Cymdeithas i Brofwyr Ieithoedd yn Ewrop).  Mae hon yn gymdeithas i sefydliadau sy’n cynnig arholiadau iaith ar draws Ewrop, yn cynrychioli 26 o ieithoedd gwahanol.  Mae rhagor o wybodaeth am ALTE ar gael. 

Cyn-bapurau, Manylebau ac ati

I gael hyd i gyn-bapurau, llyfrynnau i ymgeiswyr, manylebau i diwtoriaid, cliciwch ar y lefel berthnasol.  I gael hyd i Fwletinau Arholiad (dogfennau yn cynnwys cynlluniau marcio, adroddiadau arholwyr, enghreifftiau o waith ymgeiswyr ar gyfer pob blwyddyn ddiweddar) cliciwch 'Dangos pob dogfen'.

Llwybr Credydau CBAC

Mae CBAC yn cynnig cyfres o unedau ar lefelau Mynediad, Sylfaen a Chanolradd, o’r enw’r llwybrau credydau.  Mae’r rhain yn cynnig cyfle i ymgeiswyr gyflawni credydau wrth ddysgu, wedi eu hasesu’n anffurfiol gan y tiwtor.  Mae rhagor o fanylion am y llwybrau hyn ar gael.

Adnoddau

Mae CBAC yn darparu nifer o adnoddau i’r maes Cymraeg i Oedolion:

  1. Y Tiwtor
    Cylchgrawn ar-lein i diwtoriaid Cymraeg i oedolion.
  2. Llyfrau Cwrs CBAC
    Llyfrau cwrs i’r dosbarth Cymraeg i oedolion, ar lefelau Mynediad, Sylfaen a Chanolradd.
  3. Cardiau Fflach CBAC
    Cardiau fflach mawr a bach yn cynnwys ffotograffau lliw llawn i’r maes Cymraeg i Oedolion.
  4. Ffeil Hyfedredd
    Ffeil o adnoddau ar lefel cyrsiau Gloywi neu Gymraeg Graenus yn arwain at y cymhwyster lefel Hyfedredd (newydd hydref 2009).
  5. Erfyn Hunanasesu
    Erfyn i gynorthwyo dysgwyr adnabod eu lefel.
  6. Adnoddau Eraill
    Mae nifer o brojectau adnoddau ar y gweill ac yn cael eu llunio neu eu peilota ar hyn o bryd.

Cysylltu

Os oes angen rhagor o wybodaeth arnoch, neu gopïau o lyfrynnau neu fanylebau cysylltwch â: cymraegioedolion@cbac.co.uk neu ysgrifennu at: 

Cymraeg i Oedolion
CBAC
245 Rhodfa’r Gorllewin
Caerdydd
CF5 2YX 

Ffôn: 029 2026 5007