Canfod cymwysterau ac adnoddau
Dewch i ymweld â CBAC yn Eisteddfod yr Urdd Eryri
4 Mehefin 2012
Mae CBAC yn Eisteddfod yr Urdd yr wythnos hon, sef un o wyliau ieuenctid mwyaf Ewrop. Bydd yr amrywiaeth o weithgareddau ar ein stondin yn dangos ein bod yn gwneud mwy na dim ond dyfarnu arholiadau!
Cynhelir yr Eisteddfod yng Nglynllifon, ger Caernarfon. Bydd ein stondin ar agor rhwng 9am a 5pm a bydd aelodau o staff CBAC yn hapus i helpu gydag unrhyw ymholiadau.
Mae croeso i ymwelwyr ddod draw i’n stondin, rhif 34-35, i fwynhau rhywfaint o ddigwyddiadau bywiog a dysgu am ein datblygiadau addysgol newydd.
Uchafbwyntiau
Un o uchafbwyntiau’r wythnos yw sesiwn cydganu caneuon o Darllen Mewn Dim gyda’r cymeriad adnabyddus Rala Rwdins. Mae’r llyfr yn un o’r nifer o lyfrau y mae’r tîm golygyddol wedi bod yn gweithio arnynt sydd wedi’u hanelu at blant 3 – 7 oed yn y cyfnod sylfaen.
Ni fydd y rhai hyn yn colli allan chwaith; tuag at ddiwedd yr wythnos gallant gymryd rhan yng nghwis Bagloriaeth Cymru a chael cyfle i ennill hyd at £25 o dalebau iTunes. Gall myfyrwyr sy’n astudio Safon Uwch Cerddoriaeth fwynhau sesiwn gyfansoddi gyda Pwyll ap Sion a Sioned Roberts.
Bydd GCaD Cymru yn ymuno â ni ar y stondin i ddangos y cyfoeth o adnoddau ar-lein y maent wedi bod yn brysur yn eu datblygu i ysgogi a diddanu athrawon, myfyrwyr a’u rhieni. Gallwch hefyd gael hwyl gyda thîm CILT Cymru, y corff sy’n hyrwyddo Ieithoedd Tramor Modern, a fydd ar y stondin gyda pheiriant gwneud bathodynnau a digon o gwisiau.
Prif Ddigwyddiadau CBAC yn Eisteddfod yr Urdd 2012.
GwyddonLe
Bydd CBAC hefyd yn noddi gweithdai crefft gwyddoniaeth yn y babell GwyddonLe drwy gydol yr wythnos yn yr Eisteddfod eleni. Mae GwyddonLe, sy’n newydd i’r Eisteddfod ers 2010, yn hyrwyddo amrywiaeth o weithgareddau gwyddonol, arddangosfeydd rhyngweithiol ac arbrofion diddorol ac mae’n un o’r atyniadau mwyaf poblogaidd ar y Maes.
Edrychwn ymlaen at eich gweld yng Nglynllifon!
Am fwy o wybodaeth cysylltwch â:
Dafydd Wyn - Swyddog Cyfathrebu (yn yr Eisteddfod)
Ffôn: 07798704841
Ceri Thomas - Rheolwr Marchnata a Chyfathrebu
Ffôn: 029 2026 5309
E-bost: ceri.thomas@cbac.co.uk