Uwch Reolwyr

Gareth Pierce

Prif Weithredwr

Ymunodd Gareth Pierce â CBAC yn 2004, ar ôl gweithio yma fel Swyddog Ymchwil yn y 1980au cynnar. Mae gan Gareth ddiddordeb cryf mewn arloesi ym myd y cwricwlwm ac asesu; ef hefyd sy'n darparu arweiniaeth rheolaethol strategol i CBAC.  Mae wastad yn falch o glywed gan unigolion a sefydliadau sy'n defnyddio gwasanaethau CBAC (gareth.pierce@cbac.co.uk)

Yn gynnar yn ei yrfa bu Gareth yn ystadegydd yn y sectorau tai ac iechyd, ac yn bennaeth mathemateg mewn ysgol gyfun.  Bu wedyn yn uwch ddarlithydd yn Ysgol Fusnes Prifysgol Morgannwg, yn bennaeth polisi addysg Cymdeithas Llywodraeth Leol Cymru ac yn uwch reolwr yng Ngholeg y Drindod, Caerfyrddin. 

Gareth sy'n cynrychioli cyrff dyfarnu JCQ ar Bartneriaeth Mynediadau'r sector addysg uwch ac mae'n aelod o Rwydwaith Ehangach 14-19 Llywodraeth Cynulliad Cymru.  Mae'n Ddarlithydd Cysylltiol mewn ystadegaeth gyda'r Brifysgol Agored ac yn aelod o gorff llywodraethol Prifysgol Cymru.  

Cynrychiolodd Gareth Brifysgolion Cymru yn ystod ei yrfa rygbi, ac mae ei ddiddordebau hamdden ar hyn o bryd yn cynnwys beicio, sgïo a mynydda.

Derec Stockley

Cyfarwyddwr Arholiadau ac Asesu

Dechreuodd Derec Stockley weithio i CBAC yn 1989, yn Swyddog Pwnc Ieithoedd Tramor Modern a Chymraeg Ail Iaith.  Ym 1993 daeth yn Uwch Reolwr (arholiadau cyfrwng-Cymraeg) ac ychwanegodd Gymraeg Iaith Gyntaf at ei bortffolio o bynciau. 

Dyrchafwyd Derec i swydd Cyfarwyddwr Cynorthwyol (Cydymffurfiad) yn 1999 a daeth yn Gyfarwyddwr Arholiadau ac Asesu yn 2001.  Yn ogystal â chadw trosolwg strategol ar faterion yn ymwneud ag arholiadau ac asesu, mae hefyd yn ymwybodol iawn o faterion gweithredol.

Cyn ymuno â CBAC, bu Derec yn Bennaeth Ffrangeg mewn dwy ysgol Uwchradd cyfrwng-Cymraeg; roedd ei yrfa addysgol hefyd yn cynnwys cyfnod ym Mhrifysgol Brest yn Llydaw.  Tra'n dysgu roedd yn aelod gweithgar o UCAC, Undeb Cenedlaethol Athrawon Cymru.

Yn ei amser hamdden mae Derec yn mwynhau darllen, cerdded, nofio, DIY a garddio, yn enwedig yng nghartref y teulu yn Llydaw.

Bob Rees

Cyfarwyddwr TGCh a Gwasanaethau Argraffu

Mae Bob Rees wedi gweithio yn y diwydiant TG am 35 mlynedd.  Bu'n gweithio yn y sector fasnachol a diwydiannol am wyth mlynedd, yn cynnwys dwy flynedd yn Seland Newydd ac Awstralia, cyn symud i lywodraeth leol yng Nghyngor Sir Morgannwg Ganol. 

Bob Rees oedd Rheolwr TG cyntaf CBAC, gan ddechrau yma ym 1983.  Atgyweiriodd y system arholiadau yn llwyr i'w galluogi i gynnwys arholiadau TGAU a gychwynwyd ym 1988.  Enillodd y system a ddatblygodd ar gyfer ei ddoethuriaeth MSc ym 1996 dros £30,000 i CBAC o fewn y ddeng mlynedd diwethaf.  Yn sgîl y gwaith hwn fe'i gwahoddwyd i weithio rhan-amser yn ymgynghorydd annibynol i DfES yn 2000, i gynghori ar symleiddio systemau casglu data ar gyfer tablau'r gynghrair yn Lloegr. 

Pan gwblhawyd y gwaith hwn, secondwyd Bob i Lywodraeth y Cynulliad i lansio strategaeth rheoli gwybodaeth addysgol, oedd yn cynnwys cyflwyno'r UPNs (Unique Pupil Numbers), PLASC (Pupil Level Annual School Census), diffiniadau data cyffredin a threfniannau XML (Extensible Mark-up Language).

Ers dychwelyd i CBAC, bu Bob yn rhoi arweiniad strategol ar ddatblygu TGCh a gwasanaethau argraffu; ar hyn o bryd mae'n canolbwyntio ar ehangu systemau'n seiliedig ar y we ledled CBAC.